ಅಸ್ಸಾಂ : ಅಶ್ಲೀಲ ವಿಡಿಯೋ ನೋಡಲು ನಿರಾಕರಿಸಿದ್ದಕ್ಕಾಗಿ ಆರು ವರ್ಷದ ಬಾಲಕಿಯನ್ನು ಮೂವರು ಅಪ್ರಾಪ್ತ ವಯಸ್ಕ ಬಾಲಕರು ಕೊಲೆಗೈದಿರುವ ಘಟನೆ ಅಸ್ಸಾಂನ ನಾಗೂನ್ ಜಿಲ್ಲೆಯಲ್ಲಿ ನಡೆದಿದೆ.
ಆರೋಪಿಗಳು 8 ರಿಂದ 11 ವರ್ಷದೊಳಗಿನವರಾಗಿದ್ದು, ಈ ಮೂವರನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
ಈ ಅಮಾನವೀಯ ಘಟನೆ ನಾಗೂನ್ ಜಿಲ್ಲೆಯ ಬಲಿಬತ್ ಕಲ್ಲು ಕ್ರಶರ್ ಬಳಿ ನಡೆದಿದೆ. ಮೃತ ಬಾಲಕಿಯ ದೇಹ ಶೌಚಾಲಯದಲ್ಲಿ ಪತ್ತೆಯಾದಾಗ ಘಟನೆ ಬೆಳಕಿಗೆ ಬಂದಿದೆ.
ಆರೋಪಿಗಳು ಮೂವರು ಒಂದೇ ಊರಿನವರಾಗಿದ್ದು. ಸಂತ್ರಸ್ತ ಬಾಲಕಿ ಕೂಡ ಅದೇ ಊರಿನವಳಾಗಿದ್ದಳು. ಆರೋಪಿಗಳು ಅಶ್ಲೀಲ ವ್ಯಸನಿಗಳಾಗಿದ್ದು, ಬಾಲಕಿಗೆ ಅಶ್ಲೀಲ ವಿಡಿಯೋ ನೋಡುವಂತೆ ಒತ್ತಾಯಿಸಿದ್ದರು. ಆಕೆ ನೀಡಲು ನಿರಾಕರಿಸಿದ್ದಕ್ಕಾಗಿ ಬರ್ಬರವಾಗಿ ಕೊಲೆ ಮಾಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
11 ವರ್ಷದ ಬಾಲಕ ತನ್ನ ತಂದೆ ಮೊಬೈಲ್‌ನ್ನು ಅಶ್ಲೀಲ ವಿಡಿಯೋ ನೋಡಲು ಬಳಸುತ್ತಿದ್ದ ಎಂಬುದು ತನಿಖೆ ಸಮಯದಲ್ಲಿ ಬಯಲಾಗಿದೆ. ಮೊಬೈಲ್ ಕೂಡ ವಶಕ್ಕೆ ಪಡೆಯಲಾಗಿದೆ.
