News Kannada
Friday, December 02 2022

ಅಸ್ಸಾಂ

ದುಬೈನಲ್ಲಿ ಕಳುವಾಗಿದ್ದ 20 ಲಕ್ಷ ಮೌಲ್ಯದ ವಾಚ್ ಅಸ್ಸಾಂನಲ್ಲಿ ಪತ್ತೆ

Photo Credit :

ಗುವಾಹಟಿ (ಡಿ. 11) : ಫುಟ್ಬಾಲ್ ದಂತಕಥೆ ದಿವಂಗತ ಡಿಯಾಗೋ ಮರಡೋನಾ ಅವರು ಬಳಕೆ ಮಾಡುತ್ತಿದ್ದ 20 ಲಕ್ಷದ ಮೌಲ್ಯದ ಹ್ಯೂಬ್ಲೆಟ್​ ವಾಚ್​ ಅಸ್ಸಾಂನಲ್ಲಿ ಪತ್ತೆಯಾಗಿದೆ. ದುಬೈನಲ್ಲಿ ಕಳುವಾಗಿದ್ದ ವಾಚ್​​ ಅನ್ನು ಇಂದು ಅಸ್ಸಾಂ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ದುಬೈನಲ್ಲಿ ಕೆಲಸ ಮಾಡುತ್ತಿದ್ದ ಅಸ್ಸಾಂ ನಿವಾಸಿಯೊಬ್ಬರಿಂದ ಈ ವಾಚ್​ ವಶಪಡಿಸಿಕೊಳ್ಳಲಾಗಿದೆ . ಈತ ಇತ್ತೀಚೆಗಷ್ಟೇ ತನ್ನ ನಿವಾಸಕ್ಕೆ ಬಂದಿದ್ದಾಗ ಈ ವಾಚ್​ ವಶ ಪಡಿಸಿಕೊಳ್ಳಲಾಗಿದೆ. ಈ ಸಂಬಂಧ ಅಸ್ಸಾಂ ಮುಖ್ಯಮಂತ್ರಿ ಹಿಮಾಂತ್​ ಬಿಸ್ವಾ ಶರ್ಮಾ ಟ್ವೀಟ್ ಮಾಡಿದ್ದಾರೆ.

20 ಲಕ್ಷದ ಹ್ಯೂಬ್ಲೋಟ್​ ವಾಚ್​
ಅಂತರಾಷ್ಟ್ರೀಯ ಸಹಕಾರದ ಮೂಲಕ ಅಸ್ಸಾಂ ಪೊಲೀಸರು ಫುಟ್ಬಾಲ್ ಆಟಗಾರ ಡಿಯಾಗೋ ಮರಡೋನಾಗೆ ಸೇರಿದ ಪರಂಪರೆಯ ಹ್ಯೂಬ್ಲೋಟ್​ ವಾಚ್ ಅನ್ನು ವಶಕ್ಕೆ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಈ ಪ್ರಕರಣ ಸಂಬಂಧ ವಾಜಿದ್ ಹುಸೇನ್ ಅವರನ್ನು ಬಂಧಿಸಿದ್ದಾರೆ.
ಕಳೆದ ವರ್ಷ ನಿಧನರಾಗಿದ್ದ ಮರಡೋನಾ

ಅರ್ಜೆಂಟೀನಾದ ವೃತ್ತಿಪರ ಫುಟ್ಬಾಲ್ ಆಟಗಾರ ಡಿಯಾಗೋ ಮರಡೋನಾ ಪುಟ್ಬಾಲ್​ ದಂತಕಥೆ ಎಂದೇ ಖ್ಯಾತಿಗೊಂಡಿದ್ದರು. ಅವರು ಕಳೆದ ನವೆಂಬರ್ 2020 ರಲ್ಲಿ ಹೃದಯಾಘಾತದಿಂದ ನಿಧನರಾಗಿದ್ದರು.

ಸೆಕ್ಯೂರಿಟಿ ಕೆಲಸ ಮಾಡುತ್ತಿದ್ದ ಆರೋಪಿ

ಅರ್ಜೆಂಟೀನಾದ ಫುಟ್‌ಬಾಲ್ ಆಟಗಾರನಿಗೆ ಸೇರಿದ್ದ ವಸ್ತುಗಳಲ್ಲಿ ದುಬೈನಲ್ಲಿ ಸುರಕ್ಷಿತವಾಗಿ ಸಂಗ್ರಹಿಸಲಾಗಿದೆ. ಆ ಕಂಪನಿಯಲ್ಲಿ ಆರೋಪಿ ವಾಜಿದ್​ ಹುಸೇನ್​​ ಸೆಕ್ಯುರಿಟಿ ಗಾರ್ಡ್ ಆಗಿ ಕೆಲಸ ಮಾಡುತ್ತಿದ್ದ. ಈ ವೇಳೆ ಆರೋಪಿ ಮತ್ತಿತ್ತರ ಸ್ನೇಹಿತರು ಮರಡೋನಾ ಸಹಿ ಮಾಡಿದ್ದ ಈ ದುಬಾರಿ ಬೆಲೆಯ ಹೆರಿಟೆಜ್​ ವಾಚ್​ ಕದ್ದಿದ್ದರು. ಹ್ಯೂಬ್ಲೋಟ್​​​ನ ಸೀಮಿತ ಆವೃತ್ತಿಯ ಈ ವಾಚ್​ ಮೇಲೆ ಮರಡೋನಾ ಸಹಿ ಇದೆ. ವಾಚ್​ ಕದ್ದ ಆರೋಪಿಗಳು ಈ ವರ್ಷ ಅಸ್ಸಾಂಗೆ ಮರಳಿದ್ದರು. ಆರೋಪಿ ತನ್ನ ಮಾವನ ಮನೆಗೆ ಬಂದ ವೇಳೆ ಪೊಲೀಸರು ಆತನನ್ನು ವಶಕ್ಕೆ ಪಡೆದಿದ್ದಾರೆ.

ಮಾಹಿತಿ ಆಧಾರದ ಮೇಲೆ ಕಾರ್ಯಾಚಾರಣೆ

ಈ ಸಂಬಂಧ ರಹಸ್ಯ ಮಾಹಿತಿ ಅನುಸಾರವಾಗಿ ಈ ಕಾರ್ಯಾಚರಣೆ ನಡೆಸಲಾಗಿದೆ. ಈ ಕುರಿತು ಮಾತನಾಡಿದ ಸಿವಸಾಗರ್​ ಜಿಲ್ಲಾ ಪೊಲೀಸ್​ ವರಿಷ್ಠಾಧಿಕಾರಿ ರಾಕೇಶ್ ರೌಸನ್​, ಸಿಕ್ಕ ಗೌಪ್ಯ ಮಾಹಿತಿ ಆಧಾರದ ಮೇಲೆ ಈ ಕಾರ್ಯಚಾರಣೆ ನಡೆಸಲಾಗಿದೆ. ಕಳೆದ ರಾತ್ರಿ ಈ ವಾಚ್​ ಆರೋಪಿ ಬಳಿ ಇರುವ ಮಾಹಿತಿ ಪತ್ತೆಯಾಗಿತ್ತು. ಸದ್ಯ ಆರೋಪಿಯನ್ನು ವಶಕ್ಕೆ ಪಡೆಯಲಾಗಿದ್ದು, ತನಿಖೆ ನಡೆಸಲಾಗಿದೆ ಎಂದಿದ್ದಾರೆ.

ಫಿಫಾ ವರ್ಲ್ಡ್​ ಕಪ್​​ ವೇಳೆ ಧರಿಸಿದ್ದ ಮರಡೋನಾ

2010ರಲ್ಲಿ ನಡೆದ ಫಿಫಾ ವರ್ಲ್ಡ್​​ ಕಪ್​ ಪಂದ್ಯದ ವೇಳೆ ಡಿಯಾಗೋ ಮರಡೋನಾ ಎರಡು ದೊಡ್ಡ ಹ್ಯೂಬ್ಲೆಟ್​ ವಾಚ್​ ಧರಿಸಿದ್ದರು. ಈ ಸಂದರ್ಭದಲ್ಲಿ ಹ್ಯೂಬ್ಲೆಟ್​​ ಈ ಹೊಸ ಸರಣಿ ವಾಚ್​ ಬಿಡುಗಡೆ ಮಾಡಲಾಗಿತ್ತು. ಈ ವೇಳೆ ಜಯ ವಿಶ್ವಕಪ್​ ಪಂದ್ಯದ ಕಪ್​ ಎತ್ತಿ ಹಿಡಿದಿದ್ದ ಮರ್ಡೊನೋ ಕೈಯಲ್ಲಿ ಈ ವಾಚ್​ ಗಮನಿಸಬಹುದಾಗಿದೆ. ಇದರ ಮೇಲೆ ಮತ್ತು ಅಂದು ಅವರು ತೊಟಟ ಜೆರ್ಸಿ ಮೇಲೆ ಮಾರ್ಡೊನೋ ಹಸ್ತಾಕ್ಷರ ಇದೆ.

See also  ಉಪಚುನಾವಣೆ: 'ಗಿವ್ ಆಂಡ್ ಟೇಕ್ ' ಹೇಳಿಕೆಗಾಗಿ ಅಸ್ಸಾಂ ಸಚಿವರಿಗೆ ಚುನಾವಣಾ ಆಯೋಗ ನೋಟಿಸ್
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published.

12790
NewsKannada

Read More Articles

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು