News Kannada
Thursday, September 29 2022

ದೇಶ

ಉಪಗ್ರಹ ಆಧಾರಿತ ಬ್ರಾಡ್‌ಬ್ಯಾಂಡ್‌ ಸೇವೆ ಆರಂಭಿಸಲು ಪೈಪೋಟಿ - 1 min read

Photo Credit :

ನವದೆಹಲಿ :ಉಪಗ್ರಹಗಳನ್ನು ಬಳಸಿ 1 ಜಿಬಿಪಿಎಸ್‌ಗಿಂತಲೂ ವೇಗದ ಬ್ರಾಡ್‌ಬ್ಯಾಂಡ್‌ ಸೇವೆಯನ್ನು ದೇಶದಲ್ಲಿ ಆರಂಭಿಸಲು ವಿಶ್ವದ ಶ್ರೀಮಂತ ಉದ್ಯಮಿಗಳಾದ ಅಮೆಜಾನ್ ಕಂಪನಿಯ ಜೆಫ್‌ ಬೆಜೋಸ್‌ ಹಾಗೂ ಸ್ಪೇಸ್‌ ಎಕ್ಸ್‌ನ ಒಡೆಯ ಎಲೊನ್‌ ಮಸ್ಕ್ ಮುಂದೆ ಬಂದಿದ್ದಾರೆ.

ದೇಶದಲ್ಲಿ ಈಗ ಕೇಬಲ್‌ ಆಧರಿತ ಬ್ರಾಡ್‌ಬ್ಯಾಂಡ್‌  ಸೇವೆ ಬಳಕೆಯಲ್ಲಿದೆ. ಆದರೆ ಉಪಗ್ರಹ ಆಧರಿತ ಬ್ರಾಡ್‌ಬ್ಯಾಂಡ್‌ ಸಂಪರ್ಕ ಸಾಧ್ಯವಾದರೆ ಗ್ರಾಮೀಣ ಪ್ರದೇಶಗಳು, ಮರುಭೂಮಿಯಲ್ಲೂ ವೇಗದ ಸಂಪರ್ಕ ಸಾಧ್ಯವಾಗಲಿದೆ. ಅಮೆಜಾನ್‌ ಹಾಗೂ ಎಲೊನ್‌ ಮಸ್ಕ್‌ರ ಸ್ಟಾರ್‌ ಲಿಂಕ್‌ ದೇಶದಲ್ಲಿ ಸೇವೆ ಆರಂಭಿಸಿದರೆ ಏರ್‌ಟೆಲ್‌ ಹಾಗೂ ರಿಲಯನ್ಸ್‌ ಜಿಯೋ ಕಂಪನಿಗಳಿಗೆ ಭಾರಿ ಪೈಪೋಟಿ ಏರ್ಪಡಲಿದೆ.

ಅಮೆರಿಕದ ಈ ಎರಡೂ ಕಂಪನಿಗಳು ಪ್ರತ್ಯೇಕ ಯೋಜನೆಗಳೊಂದಿಗೆ ಈಗಾಗಲೇ ಕೇಂದ್ರ ಸರ್ಕಾರವನ್ನು ಸಂಪರ್ಕಿಸಿವೆ. ಆದರೆ ಇನ್ನೂ ಅಧಿಕೃತವಾಗಿ ಲೈಸೆನ್ಸ್‌ ಕೋರಿ ಅರ್ಜಿ ಸಲ್ಲಿಸಿಲ್ಲ. ಏತನ್ಮಧ್ಯೆ, 2022ರ ಡಿಸೆಂಬರ್‌ನಿಂದ ಭಾರತದಲ್ಲಿ ಉಪಗ್ರಹ ಆಧರಿತ ಬ್ರಾಡ್‌ಬ್ಯಾಂಡ್‌ ಸೇವೆ ಆರಂಭಿಸುವುದಾಗಿ ಮಸ್ಕ್‌ರ ಸ್ಟಾರ್‌ ಲಿಂಕ್‌ ಶುಕ್ರವಾರ ಅಧಿಕೃತವಾಗಿ ಘೋಷಣೆ ಮಾಡಿದೆ.

ಸದ್ಯ ಒನ್‌ ವೆಬ್‌ ಎಂಬ ಕಂಪನಿ ಭಾರತದಲ್ಲಿ ಉಪಗ್ರಹ ಆಧರಿತ ಬ್ರಾಡ್‌ಬ್ಯಾಂಡ್‌ ಸೇವೆ ಆರಂಬಿಸಲು ಅನುಮತಿ ಪಡೆದಿದ್ದು, ಮುಂದಿನ ವರ್ಷ ಸೇವೆ ಆರಂಭಿಸಲಿದೆ.

ಭೂಮಿಯಿಂದ 1000 ಕಿ.ಮೀ. ದೂರದಲ್ಲಿ ಸುತ್ತುತ್ತಿರುವ ಉಪಗ್ರಹಗಳನ್ನು ಬಳಸಿಕೊಂಡು ಇಂಟರ್ನೆಟ್‌ ಸೇವೆ ನೀಡುವುದು ಈ ಕಂಪನಿಗಳ ಉದ್ದೇಶ. ಉಪಗ್ರಹಗಳ ಬ್ಯಾಂಡ್‌ವಿಡ್‌್ತ ಅನ್ನು ಉದ್ದಿಮೆಗಳು, ರೈಲ್ವೆ, ಹಡಗು ಕಂಪನಿಗಳು, ರಕ್ಷಣಾ ಸ್ಥಾವರಗಳು, ವಿಮಾನಯಾನ ಕಂಪನಿಗಳು ಹಾಗೂ ದೂರ ಸಂಪರ್ಕ ಕಂಪನಿಗಳಿಗೆ ನೇರವಾಗಿ ಮಾರಾಟ ಮಾಡುವ ಆಲೋಚನೆಯೂ ಇದೆ. ಈ ಸೇವೆಯಿಂದ ಇಂಟರ್ನೆಟ್‌ನಿಂದ ವಂಚಿತವಾಗಿರುವ ಗ್ರಾಮೀಣ ಪ್ರದೇಶಗಳು, ಮರುಭೂಮಿ, ಪರ್ವತ ಪ್ರದೇಶಗಳಲ್ಲೂ ವೇಗದ ಇಂಟರ್ನೆಟ್‌ ಲಭ್ಯವಾಗಲಿದೆ.

See also  ಕೋವಿಡ್ ಮಾರ್ಗಸೂಚಿ ಸೆಪ್ಟೆಂಬರ್ ಅಂತ್ಯದ ವರೆಗೆ ಕೇಂದ್ರದಿಂದ ವಿಸ್ತರಣೆ
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published.

44
News Kannada

The most exciting, trusted and preferred news websites of Karnataka and Kannadigas around the world.

Read More Articles
Subscribe to our Brand New YouTube Channel

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು