ನವದೆಹಲಿ: ಒಲಿಂಪಿಕ್ ಚಿನ್ನದ ಪದಕ ವಿಜೇತ ನೀರಜ್ ಚೋಪ್ರಾ ಅವರ ಫಿನ್‌ಲ್ಯಾಂಡ್‌ನ ಕುರ್ಟೇನ್‌ನಲ್ಲಿ ತರಬೇತಿ ಪಡೆಯುವ ಪ್ರಸ್ತಾವನೆಗೆ ಕ್ರೀಡಾ ಸಚಿವಾಲಯದ ಮಿಷನ್ ಒಲಿಂಪಿಕ್ ಸೆಲ್ (ಎಂಒಸಿ) ಗುರುವಾರ ಅನುಮೋದನೆ ನೀಡಿದೆ.
ಜೂನ್‌ನಲ್ಲಿ ಅನೇಕ ವಿಶ್ವ ಅಥ್ಲೆಟಿಕ್ಸ್ ಪಂದ್ಯಾವಳಿಗಳಲ್ಲಿ ಸ್ಪರ್ಧಿಸಲಿರುವ ನೀರಜ್, ಈ ಸಮಯದಲ್ಲಿ ಫಿನ್‌ಲ್ಯಾಂಡ್‌ನ ಕುರ್ಟೇನ್ ಒಲಿಂಪಿಕ್ ತರಬೇತಿ ಕೇಂದ್ರದಲ್ಲಿ ತರಬೇತಿ ಪಡೆಯಲು ಉದ್ದೇಶಿಸಿದ್ದಾರೆ. ಅದೇ ರೀತಿ ಎಂಒಸಿ ಸದಸ್ಯರು ತೈವಾನ್‌ನಲ್ಲಿ ಮುಂಗಡ ತರಬೇತಿ ಶಿಬಿರಕ್ಕಾಗಿ ಪ್ಯಾಡ್ಲರ್ ಪಯಾಸ್ ಜೈನ್ ಅವರಿಗೆ ಅವಕಾಶ ನೀಡಲಾಗಿದೆ ಎಂದು ಮಾಧ್ಯಮ ಪ್ರಕಟಣೆ ತಿಳಿಸಿದೆ.
ಮತ್ತೊಂದೆಡೆ, ಭಾರತೀಯ ಟೇಬಲ್ ಟೆನ್ನಿಸ್ ತಾರೆಗಳಾದ ಮನಿಕಾ ಬಾತ್ರಾ ಮತ್ತು ಸತ್ಯನ್ ಜ್ಞಾನಶೇಖರನ್ ಅವರ ವೈಯಕ್ತಿಕ ತರಬೇತುದಾರರಾದ ಅಮನ್ ಬಲ್ಗು ಮತ್ತು ರಮಣ್ ಸುಬ್ರಮಣಿಯನ್ ಅವರನ್ನು ಅನೇಕ ಕಾರ್ಯಕ್ರಮಗಳಿಗೆ ಕರೆದೊಯ್ಯುವ ಪ್ರಸ್ತಾಪಗಳನ್ನು ಸಹ ಎಂಒಸಿ ಅನುಮೋದಿಸಿದೆ.
