ನವದೆಹಲಿ: ಕೆನಡಾ ಮೂಲದ ಖಲಿಸ್ತಾನ್ ಪರ ಭಯೋತ್ಪಾದಕ ಗುರ್ಪತ್‌ವಂತ್ ಸಿಂಗ್ ಪನ್ನುನ್ ಭಾರತದಲ್ಲಿ ಯುವಕರನ್ನು ಪ್ರತ್ಯೇಕತಾವಾದಿ ಚಳವಳಿಯಲ್ಲಿ ತೊಡಗುವಂತೆ ಪ್ರೇರೇಪಿಸುತ್ತಿದ್ದಾನೆ ಎಂದು ಗುಪ್ತಚರ ಸಂಸ್ಥೆಗಳು ಹೇಳಿವೆ. ಪನ್ನು ವಿದೇಶದಲ್ಲಿ ಕಾನೂನು ಸಂಸ್ಥೆಯನ್ನೂ ನಡೆಸುತ್ತಿದ್ದಾನೆ. ಪನ್ನುನ್ ಕಾನೂನು ಸಂಸ್ಥೆಯನ್ನು ‘ಪನ್ನುನ್ ಲಾ ಫರ್ಮ್’ ಎಂದು ಕರೆಯಲಾಗುತ್ತದೆ.
ಈತ ನ್ಯೂಯಾರ್ಕ್ (ಆಸ್ಟೋರಿಯಾ ಬೌಲೆವಾರ್ಡ್, ಕ್ವೀನ್ಸ್) ಮತ್ತು ಕ್ಯಾಲಿಫೋರ್ನಿಯಾ (ಲಿಬರ್ಟಿ ಸ್ಟ್ರೀಟ್, ಫ್ರೀಮಾಂಟ್) ನಲ್ಲಿ ಕಚೇರಿಗಳನ್ನು ಹೊಂದಿದ್ದಾನೆ. ಆದರೆ ಭಾರತದಲ್ಲಿ ಆತ ದ್ವೇಷ ಹರಡುತ್ತಿದ್ದಾನೆ ಎಂದು ಗುಪ್ತಚರ ಸಂಸ್ಥೆಗಳು ಹೇಳಿವೆ. ಈತನ ದೇಶದ್ರೋಹಿ ಚಟುವಟಿಕೆ ಹಿನ್ನಲೆಯಲ್ಲಿ 2017ರಲ್ಲಿ SAS ನಗರದ ಸೊಹ್ನಾದಲ್ಲಿ ಪ್ರಕರಣ ದಾಖಲಾಗಿತ್ತು.
ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಹಲವು ಯುವಕರನ್ನು ಬಂಧಿಸಲಾಗಿತ್ತು. ಪನ್ನೂನ್ ಸೂಚನೆಯ ಮೇರೆಗೆ, ಬಂಧಿತ ಯುವಕರು ಪ್ರತ್ಯೇಕತಾವಾದಿ ಚಳವಳಿಯನ್ನು ಉತ್ತೇಜಿಸುವಲ್ಲಿ ತೊಡಗಿದ್ದರು ಮತ್ತು ಪಂಜಾಬ್‌ನಲ್ಲಿ ವಿಮೋಚನೆಯ ಪರ ಘೋಷಣೆಗಳೊಂದಿಗೆ ಪ್ರಚೋದನಕಾರಿ ಪೋಸ್ಟರ್‌ಗಳನ್ನು ಪೋಸ್ಟ್ ಮಾಡುವಲ್ಲಿ ತೊಡಗಿದ್ದರು ಎಂದು ಗುಪ್ತಚರ ವರದಿ ಹೇಳಿದೆ.
1990ರಲ್ಲಿ ಪನ್ನುನ್ ವಿರುದ್ಧ ಡಾಟಾ ಕಾಯ್ದೆಯಡಿ ಪ್ರಕರಣವೂ ದಾಖಲಾಗಿತ್ತು. ಏಪ್ರಿಲ್ 2, 2018 ರಂದು, ಪನ್ನು ವಿರುದ್ಧ ಎಸ್‌ಬಿಎಸ್ ನಗರದ ಪಿಎಸ್ ಸದರ್ ಬಂಗಾದಲ್ಲಿ ಪ್ರಕರಣ ದಾಖಲಾಗಿತ್ತು. ಈ ಪ್ರಕರಣದಲ್ಲಿ ಪನ್ನು ಸಿಖ್ ಯುವಕರನ್ನು ಮದ್ಯದಂಗಡಿ ಸುಡಲು ಮತ್ತು ಇತರ ವಿಧ್ವಂಸಕ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಲು ಕುಮ್ಮಕ್ಕು ನೀಡಿದ್ದ ಎಂದು ಆರೋಪಿಸಲಾಗಿದೆ.
ಮೇ 31, 2018 ರಂದು, ಬಟಾಲಾದ ರಂಗರ್ ನಂಗಲ್‌ನಲ್ಲಿ ಮತ್ತೊಂದು ಎಫ್‌ಐಆರ್ ದಾಖಲಾಗಿದೆ ಅದರಲ್ಲಿ ಆತ ಪಂಜಾಬ್ ನಲ್ಲಿ ಜನಾಭಿಪ್ರಾಯ ಸಂಗ್ರಹಕ್ಕಾಗಿ ಬ್ಯಾನರ್‌ಗಳನ್ನು ಪ್ರದರ್ಶಿಸುವಂತೆ ಯುವಕರನ್ನು ಮನವೊಲಿಸುತ್ತಿದ್ದ ಎಂಬ ಆರೋಪ ಹೊರಿಸಲಾಗಿತ್ತು. ಪನ್ನುನ್ ಸೂಚನೆಯ ಮೇರೆಗೆ, ಈ ಯುವಕರು ಅಮೃತಸರ ನಗರದಲ್ಲಿ ಜನಾಭಿಪ್ರಾಯ 2020 ಬ್ಯಾನರ್‌ಗಳನ್ನು ಪ್ರದರ್ಶಿಸಲು ಪ್ರಯತ್ನಿಸಿದ್ದರು.
2019 ರಲ್ಲಿ, ಭಾರತದ ವಿರುದ್ಧ ಪ್ರತ್ಯೇಕತಾವಾದಿ ಮತ್ತು ಭಯೋತ್ಪಾದಕ ಚಟುವಟಿಕೆಗಳಲ್ಲಿ ಭಾಗಿಯಾಗಿದ್ದಕ್ಕಾಗಿ ರಾಷ್ಟ್ರೀಯ ತನಿಖಾ ಸಂಸ್ಥೆ (NIA) ಯಿಂದ IPC ಯ ಹಲವಾರು ಸೆಕ್ಷನ್‌ಗಳ ಅಡಿಯಲ್ಲಿ ಮತ್ತು UA (P) ಕಾಯ್ದೆಯ 13, 17 ಮತ್ತು 18 ಸೆಕ್ಷನ್‌ಗಳ ಅಡಿಯಲ್ಲಿ ಪನ್ನುನ್ ವಿರುದ್ಧ ಆರೋಪ ಹೊರಿಸಿದೆ.
