ಶಿಮ್ಲಾ: ಹಿಮಾಚಲ ಪ್ರದೇಶದ ಪ್ರವಾಸಿ ತಾಣ ಮನಾಲಿ ಮೂಲಕ ದೆಹಲಿಯನ್ನು ಲೇಹ್ಗೆ ಸಂಪರ್ಕಿಸುವ ದೇಶದ ಅತಿ ಉದ್ದದ ಮತ್ತು ಅತಿ ಎತ್ತರದ ಬಸ್ ಸೇವೆಯು ಮರು ಆರಂಭಗೊಂಡಿದೆ. ಹಿಮಪಾತದಿಂದಾಗಿ 9 ತಿಂಗಳ ಕಾಲ ಈ ಮಾರ್ಗ ಮುಚ್ಚಲ್ಪಟ್ಟಿತ್ತು ಈ ನಿಟ್ಟಿನಲ್ಲಿ ಬಸ್ ಸಂಚಾರ ಮರು ಆರಂಭವಾಗಿರುವುದು ಜನರಲ್ಲಿ ಸಂತಸ ತಂದಿದೆ.
1,026-ಕಿಮೀ ಉದ್ದದ ಮಾರ್ಗಕ್ಕೆ ಏಕಮುಖ ದರವು 1,736 ರೂ. ಆಗಿದೆ. 30-ಗಂಟೆಗಳ ದೀರ್ಘ ಪ್ರಯಾಣದ ಸಮಯದಲ್ಲಿ ಇಬ್ಬರು ಕಂಡಕ್ಟರ್ಗಳೊಂದಿಗೆ ಮೂವರು ಚಾಲಕರು ಬಸ್ ಓಡಿಸುತ್ತಾರೆ.
ಹಿಮಾಚಲ ರಸ್ತೆ ಸಾರಿಗೆ ಕಾರ್ಪೊರೇಷನ್ ಬಸ್ ದೆಹಲಿಯಿಂದ 3.45 ಕ್ಕೆ ಹೊರಡುತ್ತದೆ. ಮರುದಿನ ಕೀಲಾಂಗ್ನಲ್ಲಿ ವಿಶ್ರಾಂತಿ ನಂತರ ಬಳಿಕ ಲೇಹ್ಗೆ ತಲುಪುತ್ತದೆ. ಪ್ರವಾಸೋದ್ಯಮವನ್ನು ಉತ್ತೇಜಿಸಲು ಈ ವಿಶೇಷ ಬಸ್ ಸಂಚಾರ ಕೈಗೊಂಡಿದೆ. “ದೆಹಲಿ-ಲೇಹ್ ಮಾರ್ಗದಲ್ಲಿ ಪ್ರವಾಸಿಗರು, ವಿಶೇಷವಾಗಿ ವಿದೇಶಿಯರು ಈ ಸೌಲಭ್ಯದಿಂದ ಉತ್ತೇಜಿತರಾಗಿದ್ದಾರೆ.
ವಿದೇಶಿಯರ ಪ್ರತಿಕ್ರಿಯೆಯು ಸಾಕಷ್ಟು ಉತ್ತಮವಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಬಸ್ಸು ಹಿಮಾಚಲ ಮತ್ತು ಲಡಾಖ್ನ ಶೀತ ಮರುಭೂಮಿಗಳಲ್ಲಿ ನಾಲ್ಕು ಎತ್ತರದ ಪರ್ವತ (ರೋಹ್ತಾಂಗ್ ಪಾಸ್ (13,050 ಅಡಿ), ಬರಲಾಚಾ ಪಾಸ್ (16,020 ಅಡಿ), ಲಾಚುಂಗ್ಲಾ ಪಾಸ್ (16,620 ಅಡಿ) ಮತ್ತು ತಂಗ್ಲಾಂಗ್ಲಾ ಪಾಸ್ (17,480 ಅಡಿ) ಹಾದು ಹೋಗುತ್ತದೆ.