ಮಾಕುಟ್ಟ: ಮಾಕುಟ್ಟ ಅರಣ್ಯಕೆ ಕೇರಳ ರಾಜ್ಯ ದಿಂದ ತ್ಯಾಜ್ಯ ವನ್ನು ಸುರಿಯಲು ಬಂದ ಒಂದು ಲಾರಿ, ಮತ್ತು ಪಿಕ್ ಅಪ್ ಜೀಪ್ ಅನ್ನು ಮಾ ಕುಟ್ಟ ಅರಣ್ಯ ಸಿಬ್ಬಂದಿ ಗಳು ವಶಕೆ ಇಂದು ಬೆಳಿಗ್ಗೆ ಪಡೆದು ಕೊಂಡಿದ್ದಾರೆ.
ಪಶ್ಚಿಮ ಘಟ್ಟ ಪ್ರದೇಶವಾದ ಮಾಕುಟ ಅರಣ್ಯಕ್ಕೆ ಕೇರಳದಿಂದ ನಿರಂತರವಾಗಿ ಕಸವನ್ನು ಹಾಕುತ್ತಿರುವ ಬಗ್ಗೆ ಚಾನೆಲ್ ಕೂರ್ಗ್ ವಿಶೇಷ ವರದಿ ಪ್ರಕಟಿಸಿದ ಬೆನ್ನಲ್ಲೇ ಅರಣ್ಯ ಇಲಾಖೆ ಎಚ್ಚುತ್ತುಕೊಂಡು ರಸ್ತೆ ಬದಿಯ ಕಸವನ್ನೆಲ್ಲ ಸುಟ್ಟು ಹಾಕಿ ವಿಶೇಷ ಕಾರ್ಯಾಚರಣೆ ನಡೆಸಿ ಕಳೆದ ಒಂದು ವಾರದಿಂದ ತ್ಯಾಜ್ಯವನ್ನು ತಂದು ಸುರಿಯುತ್ತಿರುವ ವಾಹನಗಳನ್ನು ಮತ್ತು ಆರೋಪಿಗಳನ್ನು ಬಂಧಿಸುತ್ತಿದ್ದಾರೆ.
ಇಷ್ಟೆಲ್ಲ ಕಾನೂನು ಕ್ರಮ ಕೈಗೊಂಡರು ಕೂಡ ಮತ್ತೆ ಪುನಃ ಕೇರಳದ ತ್ಯಾಜ್ಯ ವಸ್ತುಗಳು ಮಾಕುಟ್ಟ ಪ್ರದೇಶಕ್ಕೆ ಬರುತ್ತಿದೆ. ಇಂದು ಬೆಳಗಿನ ಜಾವ ಮಾಕುಟ್ಟ ಅರಣ್ಯ ಸಿಬ್ಬಂದಿಗಳು ಕೇರಳದಿಂದ ತ್ಯಾಜ್ಯವನ್ನು ತಂದು ಇಲ್ಲಿ ಸುರಿಯಲು ಯತ್ನಿಸುತ್ತಿದ್ದ ಒಂದು ಲಾರಿ ಮತ್ತು ಪಿಕ್ ಅಪ್ ಜೀಪನ್ನು ವಶಪಡಿಸಿಕೊಂಡು ಈ ಸಂಬಂಧ ಕೆಲವರನ್ನು ಬಂಧಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ.
