ತಿರುವನಂತಪುರಂ: ಪಾಲಕ್ಕಾಡ್ ರೈಲ್ವೇ ವಿಭಾಗವು ಈಗ ತನ್ನ ರೈಲ್ವೆ ನಿಲ್ದಾಣಗಳು ಮತ್ತು ರೈಲುಗಳು ಮತ್ತು ಬೋಗಿಗಳನ್ನು ಫೋಟೋ ಶೂಟ್ ಮಾಡಲು ಬಯಸುವವರಿಗೆ ಬಾಡಿಗೆ ನೀಡಲು ಯೋಜಿಸಿದೆ.
ರೈಲುಗಳು ಮತ್ತು ಬೋಗಿಗಳ ಒಂದು ದಿನದ ಶುಲ್ಕ 1,500 ರೂ.ನಿಂದ 3,000 ರೂ. ಆಗಿರಲಿದೆ. ಪಾಲಕ್ಕಾಡ್ ವಿಭಾಗದ ಹಿರಿಯ ಡಿಸಿಎಂ ಅರುಣ್ ಥಾಮಸ್ ಈ ಬಗ್ಗೆ ವಿವರ ನೀಡಿದ್ದು ಪಾಲಕ್ಕಾಡ್ ಕೆಲವು ರಮಣೀಯ ತಾಣಗಳನ್ನು ಹೊಂದಿದೆ. ಈ ವಿಭಾಗದಲ್ಲಿರುವ ರೈಲು ನಿಲ್ದಾಣಗಳಲ್ಲಿ ಪ್ರವಾಸೋದ್ಯಮ ಚಟುವಟಿಕೆ ಉತ್ತೇಜನಕ್ಕೆ ಇಂತಹ ಕ್ರಮ ಕೈಗೊಳ್ಳಲಾಗಿದೆ ಎಂದು ಅವರು ಹೇಳಿದ್ದಾರೆ.
ದಕ್ಷಿಣ ರೈಲ್ವೆ ವಲಯದ ಪಾಲಕ್ಕಾಡ್ ರೈಲ್ವೆ ವಿಭಾಗವು ಭಾರತದ ಅತ್ಯಂತ ಹಳೆಯ ರೈಲ್ವೆ ವಿಭಾಗಗಳಲ್ಲಿ ಒಂದಾಗಿದೆ. ಈ ವಿಭಾಗದ ರೈಲ್ವೆ ಹಳಿಯು ತನ್ನ ರಮಣೀಯ ಸೌಂದರ್ಯಕ್ಕೆ ಹೆಸರುವಾಸಿಯಾದ ಕೆಲವು ಸ್ಥಳಗಳನ್ನು ಹೊಂದಿದೆ.