NewsKarnataka
Tuesday, January 18 2022

ಒಡಿಸ್ಸಾ

ಅಬ್ಬರದ ಸಂಗೀತಕ್ಕೆ ಬೆಚ್ಚಿಬಿದ್ದು ಪ್ರಾಣತೆತ್ತ 63 ಕೋಳಿಗಳು

ವಿವಾಹ ಕಾರ್ಯಕ್ರಮವೊಂದು ಬರೋಬ್ಬರಿ 63 ಜೀವಿಗಳ ಸಾವಿಗೆ ಕಾರಣವಾದ ವಿಲಕ್ಷಣ ಘಟನೆಯೊಂದು ಓಡಿಶಾದ ಬಾಲಸೋರ್​ ಜಿಲ್ಲೆಯ ಕಂದಗರಡಿ ಗ್ರಾಮದಲ್ಲಿ ನಡೆದಿದೆ.

ರಾಮಚಂದ್ರ ಪರಿದಾ ಅವರ ಮಗಳ ವಿವಾಹದ ಪ್ರಯುಕ್ತ ರಾತ್ರಿ 11 ಗಂಟೆ ಸುಮಾರಿಗೆ ಮದುವೆ ಮೆರವಣಿಗೆಯು ಗ್ರಾಮವನ್ನು ಪ್ರವೇಶಿಸಿತ್ತು. ಮೆರವಣಿಗೆ ವೇಳೆ ಡಿಜೆ, ಅಬ್ಬರದ ಸಂಗೀತದ ಜೊತೆಯಲ್ಲಿ ಪಟಾಕಿಗಳನ್ನು ಸಿಡಿಸಲಾಗಿತ್ತು.

ರಾಮಚಂದ್ರ ಪರಿದಾ ಮಗಳ ಮದುವೆ ಸಂಭ್ರಮದಲ್ಲಿ ತೇಲುತ್ತಿದ್ದರೆ ಇತ್ತ ನೆರೆಮನೆಯ ರಂಜಿತ್​ ಪರಿದಾ ಎಂಬವರ ಮನೆಯಲ್ಲಿದ್ದ 63 ಕೋಳಿಗಳು ಅಬ್ಬರದ ಸಂಗೀತಕ್ಕೆ ಬೆಚ್ಚಿಬಿದ್ದು ಪ್ರಾಣತೆತ್ತಿವೆ ಎಂಬ ಆರೋಪ ಕೇಳಿ ಬಂದಿದೆ. 2000 ಕೋಳಿಗಳು ಮದುವೆ ದಿಬ್ಬಣದ ಶಬ್ದಕ್ಕೆ ಆಘಾತಕ್ಕೆ ಒಳಗಾಗಿದ್ದವು. ಇದರಲ್ಲಿ 63 ಕೋಳಿಗಳು ಸಾವನ್ನಪ್ಪಿವೆ ಎಂದು ರಂಜಿತ್​ ಆರೋಪಿಸಿದ್ದಾರೆ.

ಈ ಸಂಬಂಧ ರಾಮಚಂದ್ರ ಪರಿದಾ ವಿರುದ್ಧ ರಂಜಿತ್ ನೀಲಗಿರಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ನನ್ನ ಕೋಳಿಗಳ ಸಾವಿಗೆ ರಾಮಚಂದ್ರ ಪರಿದಾ ಪುತ್ರಿಯ ಮದುವೆ ದಿಬ್ಬಣದ ಮೆರವಣಿಗೆಯೇ ಕಾರಣ ಎಂದು ದೂರಿನಲ್ಲಿ ಉಲ್ಲೇಖಿಸಿದ್ದಾರೆ.

ಆದರೆ ಈ ಎಲ್ಲಾ ಆರೋಪಗಳನ್ನು ತಳ್ಳಿ ಹಾಕಿರುವ ರಾಮಚಂದ್ರ, ಸಾಕಷ್ಟು ಬ್ರಾಯ್ಲರ್​ ಕೋಳಿಗಳು ರಸ್ತೆಯಲ್ಲಿ ಕರ್ಕಶವಾಗಿ ಕೂಗುವ ವಾಹನಗಳ ಹಾರ್ನ್​ ಶಬ್ದವನ್ನು ಕೇಳಿಸಿಕೊಳ್ಳುತ್ತವೆ. ಅಂತ್ರದಲ್ಲಿ ಇವರ ಕೋಳಿ ಹೇಗೆ ಶಬ್ದಕ್ಕೆ ಸಾಯಲು ಸಾಧ್ಯ..? ಅದೂ ಅಲ್ಲದೇ ನಾವು ಮನೆಯ ಹತ್ತಿರದಲ್ಲಿ ಡಿಜೆ ಸದ್ದನ್ನು ಕಡಿಮೆ ಮಾಡಿದ್ದೆವು ಎಂದು ಹೇಳಿದ್ರು.

ಈ ವಿಚಾರವಾಗಿ ಮಾತನಾಡಿದ ಪೊಲೀಸ್​ ಅಧಿಕಾರಿ ದ್ರೌಪದಿ ದಾಸ್​, ಈ ದೂರಿನ ಸಂಬಂಧ ಇಬ್ಬರನ್ನೂ ಮಾತುಕತೆಗೆ ಕರೆದಿದ್ದೇನೆ. ಇದು ನನ್ನ ವೃತ್ತಿ ಜೀವನದಲ್ಲಿ ಹೊಸ ಪ್ರಕರಣವಾಗಿದೆ. ಕೇಸ್​ ಇನ್ನಷ್ಟೇ ದಾಖಲಾಗಬೇಕಿದೆ. ಹಾಗೂ ದೂರಿನ ಸಂಬಂಧ ಪಶುವೈದ್ಯಾಧಿಕಾರಿಗಳ ಸಲಹೆಯನ್ನೂ ಕೇಳಲಿದ್ದೇವೆ ಎಂದು ಹೇಳಿದ್ರು.

ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published. Required fields are marked *

44
News Kannada

The most exciting, trusted and preferred news websites of Karnataka and Kannadigas around the world.

Read More Articles
Subscribe to our Brand New YouTube Channel

Subscribe Newsletter

Get latest news karnataka updates on your email.