News Kannada
Wednesday, December 07 2022

ಪಶ್ಚಿಮ ಬಂಗಾಳ

15 ಸಾಮಾನ್ಯ ಜ್ಞಾನದ ಪ್ರಶ್ನೆಗಳಿಗೆ ಉತ್ತರಿಸಿದರೆ, ಇ-ರಿಕ್ಷಾ ಚಾಲಕನ ಉಚಿತ ರೈಡ್‌

Photo Credit :

ಕೋಲ್ಕತ್ತಾ : ಫೇಸ್‌ಬುಕ್ ಬಳಕೆದಾರ ಸಂಕಲನ್ ಸರ್ಕಾರ್ ಎಂಬುವವರು ಪಶ್ಚಿಮ ಬಂಗಾಳದ ಲಿಲುವಾದ (ಹೌರಾ ಜಿಲ್ಲೆ) ಇ-ರಿಕ್ಷಾ ಚಾಲಕರ ಬಗ್ಗೆ ಪೋಸ್ಟ್ ಒಂದನ್ನು ಹಂಚಿಕೊಂಡಿದ್ದಾರೆ. ಇ-ರಿಕ್ಷಾ ಚಾಲಕನ ವಿಶಿಷ್ಟವಾದ ಉಚಿತ ರೈಡ್‌ ಬಗ್ಗೆ ತನ್ನ ಪೋಸ್ಟ್ ನಲ್ಲಿ ತಿಳಿಸಿದ್ದಾರೆ.

ಆಟೋ ಹತ್ತಿದ್ದ ಫೇಸ್ಬುಕ್ ಬಳಕೆದಾರ ಸಂಕಲನ್ ಹಾಗೂ ಆತನ ಪತ್ನಿಗೆ, 15 ಸಾಮಾನ್ಯ ಜ್ಞಾನದ ಪ್ರಶ್ನೆಗಳಿಗೆ ಉತ್ತರಿಸಿದರೆ ಬಾಡಿಗೆ ಹಣ ತೆಗೆದುಕೊಳ್ಳುವುದಿಲ್ಲ ಎಂದು ಚಾಲಕ ಸುರಂಜನ್ ಕರ್ಮಾಕರ್ ಹೇಳಿದ್ದಾರೆ. ಪ್ರಯಾಣದ ದರ ಕೊಡುವುದಾಗಿ ಹೇಳಿದ ಸಂಕಲನ್ ಗೆ ಚಾಲಕ ಯಾವ ರೀತಿ ಪ್ರಶ್ನೆ ಕೇಳುತ್ತಾನೆ ಎಂಬ ಬಗ್ಗೆ ಕುತೂಹಲವಿತ್ತು. ಹೀಗಾಗಿ ಬಹಳ ಉತ್ಸುಕರಾಗಿದ್ದರಂತೆ.

ಮೊದಲ ಪ್ರಶ್ನೆ ಅತ್ಯಂತ ಸರಳವಾಗಿತ್ತು. ಅದೇನೆಂದರೆ, ಜನ ಗಣ ಮನ ಅಧಿ ನಾಯಕ ಬರೆದವರು ಯಾರು? ಎಂಬುದಾಗಿತ್ತು. ಇದನ್ನು ಕೇಳಿದ ಸಂಕಲನ್ ಗೆ ಬಹಳ ಅಚ್ಚರಿಯಾಗಿದೆ. ಆದರೆ 2ನೇ ಪ್ರಶ್ನೆ ಕೇಳಿದಾಗ ಇದು ನಿಜವಾದ ಸಾಮಾನ್ಯ ಜ್ಞಾನ ರಸಪ್ರಶ್ನೆ ಎಂಬುದು ಅರಿವಿಗೆ ಬಂದಿದೆ.

ನಂತರ ಕೇಳಿದ ಪ್ರಶ್ನೆ, ಪಶ್ಚಿಮ ಬಂಗಾಳದ ಮೊದಲ ಸಿಎಂ ಯಾರು ಎಂಬುದಾಗಿತ್ತು. ಆದರೆ, ಈ ಪ್ರಶ್ನೆಗೆ ಸರಿ ಉತ್ತರ ನೀಡಲಾಗದೆ ಸಂಕಲನ್ ತಪ್ಪುತ್ತರ ನೀಡಿದ್ದಾರೆ. ದಾರಿಯುದ್ದಕ್ಕೂ ಸ್ವಲ್ಪ ಸಮಯದವರೆಗೆ ರಸಪ್ರಶ್ನೆ ಇವರಿಬ್ಬರ ನಡುವೆ ನಡೆದಿದೆ.

ಬಳಿಕ ವಿಕ್ರಮ್-ಬೇತಾಳ್ ವಿಷಯದ ಬಗ್ಗೆ ಇಬ್ಬರೂ ಚರ್ಚಿಸಿದ್ದಾರೆ. ಅಷ್ಟೇ ಅಲ್ಲದೆ ನಟಿ ಶ್ರೀದೇವಿಯವರ ಜನ್ಮದಿನಾಂಕದಿಂದ ಹಿಡಿದು ವಿಶ್ವದ ಮೊದಲ ಟೆಸ್ಟ್ ಟ್ಯೂಬ್ ಬೇಬಿವರೆಗೆ ಚಾಲಕ ಹಾಗೂ ಪ್ರಯಾಣಿಕ ಇಬ್ಬರೂ ಹಲವಾರು ವಿಷಯಗಳ ಬಗ್ಗೆ ಮಾತನಾಡಿದ್ದಾರೆ. ಹಾಗೆಯೇ ಫೇಸ್ಬುಕ್ ಬಳಕೆದಾರ ಒಂದೆರಡು ಪ್ರಶ್ನೆಗಳನ್ನು ಆಟೋ ಚಾಲಕನಿಗೂ ಕೇಳಿದ್ದಾರೆ. ಇದಕ್ಕೆ ಚಾಲಕ ಸರಿಯಾದ ಉತ್ತರ ನೀಡಿರುವುದು ಇವರಿಗೆ ಅಚ್ಚರಿ ತಂದಿದೆ.

ರಿಕ್ಷಾ ಚಾಲಕನಿಗೆ ಪುಸ್ತಕ ಅಂದ್ರೆ ಬಹಳ ಪ್ರೀತಿಯಂತೆ. ಆರ್ಥಿಕ ಅಡಚಣೆಯಿಂದ 6ನೇ ತರಗತಿಯವರೆಗೂ ಓದಿದ್ದು, ಮತ್ತೆ ಮುಂದುವರೆಸಲಾಗಲಿಲ್ಲ ಎಂದು ಸಂಕಲನ್ ಜೊತೆ ಸುರಂಜನ್ ಹೇಳಿಕೊಂಡಿದ್ದಾರೆ. ಆದರೂ ಕೂಡ ಪ್ರತಿದಿನ ಮಧ್ಯರಾತ್ರಿ 2ಗಂಟೆ ವರೆಗೆ ಓದುವ ಅಭ್ಯಾಸ ಚಾಲಕ ಸುರಂಜನ್ ಅವರಿಗೆ ಇದೆಯಂತೆ.

ಅಷ್ಟೇ ಅಲ್ಲ, ಸುರಂಜನ್ ಲಿಲುವಾ ಬುಕ್ ಫೇರ್ ಫೌಂಡೇಶನ್‌ನ ಸದಸ್ಯ ಕೂಡ ಹೌದು. ಅಲ್ಲದೆ ತಾನು ಹಿಂದೂವಾಗಿ ಹುಟ್ಟಿದ್ದರೂ, ಕೆಲವೊಮ್ಮೆ ಮುಸ್ಲಿಂ ಟೋಪಿ ಧರಿಸುವುದಾಗಿ ಹೇಳಿದ್ದಾರೆ.

See also  ಇದು ‘ ಪೆಗಾಸಸ್ ಸ್ಪಿನ್ ಬಜೆಟ್’ : ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published.

44
News Kannada

The most exciting, trusted and preferred news websites of Karnataka and Kannadigas around the world.

Read More Articles

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು