ಫಿಲಿಪೈನ್ಸ್ ನಲ್ಲಿ ಅಪ್ಪಳಿಸಿದ ರೈ ಚಂಡಮಾರುತದ ಪರಿಣಾಮ ಸಾವಿನ ಸಂಖ್ಯೆ 75ಕ್ಕೆ ಏರಿಕೆಯಾಗಿದೆ. ರೈ ಚಂಡಮಾರುತದಿಂದ ತೀವ್ರ ತೊಂದರೆ ಅನುಭವಿಸಿದ ಪ್ರದೇಶಗಳು ಜಲಾವೃತಗೊಂಡಿವೆ. ಈ ಪೈಕಿ 3 ಲಕ್ಷಕ್ಕೂ ಹೆಚ್ಚು ಜನರು ತಮ್ಮ ಮನೆಗಳನ್ನ ಕಳೆದುಕೊಂಡಿದ್ದಾರೆ.
ಈವರೆಗೆ ಫಿಲಿಪೈನ್ಸ್ ನಲ್ಲಿ 75 ಮಂದಿ ಮೃತಪಟ್ಟಿದ್ದು, 13 ಜನ ಗಾಯಗೊಂಡಿದ್ದಾರೆ ಮತ್ತು 10 ಮಂದಿ ಕಾಣೆಯಾಗಿದ್ದಾರೆ ಎಂದು ವರದಿ ತಿಳಿಸಿದೆ.
ಕಳೆದ 3 ದಿನಗಳಿಂದ ಫಿಲಿಪೈನ್ಸ್ ನಲ್ಲಿ ಟೈಫನ್ ರೈ ಚಂಡಮಾರುತ ಆರಂಭವಾಗಿದ್ದು, ಗಂಟೆಗೆ 195 ಕಿ.ಮೀ ವೇಗದಲ್ಲಿ ಗಾಳಿ ಚಲಿಸಿದೆ.
ನಗರದ ದಕ್ಷಿಣ ಮತ್ತು ಮಧ್ಯದ್ವೀಪ ಪ್ರಾಂತ್ಯಗಳಲ್ಲಿ ವಿದ್ಯುತ್, ದೂರವಾಣಿ ಸೇವೆ ಅಸ್ತವ್ಯಸ್ತಗೊಂಡಿದೆ. ಆಹಾರ, ನೀರು, ತಾತ್ಕಾಲಿಕ ನಿವಾಸ, ಇಂಧನ, ನೈರ್ಮಲ್ಯ ಕಿಟ್ಗಳು ಮತ್ತು ಔಷಧಿಗಳನ್ನು ಪೂರೈಸಲು 18 ಸಾವಿರಕ್ಕೂ ಹೆಚ್ಚಿನ ರಕ್ಷಣಾ ಸಿಬ್ಬಂದಿ ಕಾರ್ಯನಿರ್ವಹಿಸುತ್ತಿದ್ದಾರೆ.