News Kannada
Wednesday, December 07 2022

ವಿದೇಶ

15 ವರ್ಷದ ಶಾಲಾ ವಿದ್ಯಾರ್ಥಿಯಿಂದ ಶೂಟೌಟ್: ಮೂವರು ಸಾವು

Photo Credit :

ವಾಷಿಂಗ್ಟನ್: ಮಿಚಿಗನ್ ಗ್ರಾಮೀಣ ಪ್ರದೇಶದ ಆಕ್ಸ್‌ಫರ್ಡ್ ಪ್ರೌಢಶಾಲೆ ಆವರಣದಲ್ಲಿ ಮಂಗಳವಾರ 15 ವರ್ಷದ ಶಾಲಾ ವಿದ್ಯಾರ್ಥಿಯೊಬ್ಬ ಗುಂಡು ಹಾರಿಸಿದ್ದು, ಮೂವರು ವಿದ್ಯಾರ್ಥಿಗಳು ಸಾವಿಗೀಡಾಗಿದ್ದಾರೆ.

ಸದ್ಯ ಆತನನ್ನು ವಶಕ್ಕೆ ಪಡೆದಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.

ಘಟನೆ ಸಂಬಂಧ ದ್ವಿತೀಯ ವರ್ಷದ ವಿದ್ಯಾರ್ಥಿಯನ್ನು ವಶಕ್ಕೆ ಪಡೆದಿದ್ದು, ಬಂದೂಕನ್ನು ಜಪ್ತಿ ಮಾಡಲಾಗಿದೆ. ಘಟನೆಗೆ ನಿಖರ ಕಾರಣವೇನೆಂದು ಸದ್ಯ ತಿಳಿದುಬಂದಿಲ್ಲ.

ಉತ್ತರ ಡೆಟ್ರಾಯ್ಟ್ ನಗರದಲ್ಲಿ ನಡೆದ ಘಟನೆಯಲ್ಲಿ ಶಿಕ್ಷಕರೊಬ್ಬರು ಸೇರಿದಂತೆ ಆರು ಜನರು ಗಾಯಗೊಂಡಿದ್ದಾರೆ ಎಂದು ಓಕ್ಲಾಂಡ್ ಕಂಟ್ರಿಯ ಕಾನೂನು ಜಾರಿ ಕಚೇರಿ (ಷೆರಿಫ್ ಕಚೇರಿ) ಹೇಳಿಕೆಯಲ್ಲಿ ತಿಳಿಸಿದೆ.

ಆರೋಪಿ ಬಾಲಕನ ಬಂಧನದ ವೇಳೆ ಯಾವುದೇ ಪ್ರತಿರೋಧ ವ್ಯಕ್ತವಾಗಿಲ್ಲ ಮತ್ತು ಘಟನೆಗೆ ಕಾರಣವೇನೆಂದು ಕೂಡ ಹೇಳಿಲ್ಲ ಎಂದು ಷೆರಿಫ್ ಕಚೇರಿ ತಿಳಿಸಿದೆ.

‘ಇದು ತೀವ್ರ ಆಘಾತಕಾರಿ’. ಘಟನೆಯಲ್ಲಿ ಮೂವರು ಸಾವಿಗೀಡಾಗಿದ್ದು, ಅವರೆಲ್ಲರೂ ವಿದ್ಯಾರ್ಥಿಗಳಾಗಿದ್ದಾರೆ. ಘಟನೆಯಿಂದ ಪೋಷಕರು ಆತಂಕಕ್ಕೆ ಒಳಗಾಗಿದ್ದಾರೆ’ ಎಂದು ಕಚೇರಿಯ ಮೈಕಲ್ ಮ್ಯಾಕೇಬ್ ಸುದ್ದಿಗಾರರಿಗೆ ತಿಳಿಸಿದ್ದಾರೆ.

‘ಘಟನೆ ನಡೆದ ಕೂಡಲೇ 911ಗೆ ನೂರಕ್ಕೂ ಹೆಚ್ಚು ತುರ್ತು ಕರೆಗಳು ಬಂದಿವೆ ಮತ್ತು ವಿದ್ಯಾರ್ಥಿಯು ಸೆಮಿ ಆಟೋಮ್ಯಾಟಿಕ್ ಹ್ಯಾಂಡ್‌ಗನ್‌ನಿಂದ 5 ನಿಮಿಷದಲ್ಲಿ 15-20 ಬಾರಿ ಗುಂಡು ಹಾರಿಸಿದ್ದಾನೆ. ಕರೆ ಬಂದ 5 ನಿಮಿಷದಲ್ಲೇ ಆರೋಪಿ ಬಾಲಕನನ್ನು ವಶಕ್ಕೆ ಪಡೆಯಲಾಗಿದೆ’ ಎಂದು ಪೊಲೀಸರು ತಿಳಿಸಿದ್ದಾರೆ.

ಈ ಬಗ್ಗೆ ಅಮೆರಿಕದ ಅಧ್ಯಕ್ಷ ಜೋ ಬೈಡನ್ ಅವರಿಗೂ ತಿಳಿಸಲಾಗಿದ್ದು, ಸದ್ಯ ಯಾವುದೇ ಪ್ರತಿಕ್ರಿಯೆ ಲಭ್ಯವಾಗಿಲ್ಲ.

ಇದಕ್ಕೂ ಮುನ್ನ ಅಮೆರಿಕದಾದ್ಯಂತ ಇರುವ ಶಾಲೆಗಳಲ್ಲಿ 2021ರಲ್ಲಿ 138 ಶೂಟಿಂಗ್ ಪ್ರಕರಣಗಳು ವರದಿಯಾಗಿವೆ. ಈ ವೇಳೆ 26 ಜನರು ಸಾವಿಗೀಡಾಗಿದ್ದಾರೆ.

See also  ಪಾಕ್ ಮಾಜಿ ಸಚಿವೆ ಮೇಲೆ ಪೊಲೀಸರಿಂದ ಹಲ್ಲೆ
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published.

1616

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು