ಜೋಹಾನ್ಸ್‍ಬರ್ಗ್: ಓಮಿಕ್ರಾನ್ ಸೋಂಕಿತ ಆರೋಗ್ಯ ಕಾರ್ಯಕರ್ತರ ಪ್ರತ್ಯೇಕ ವಾಸದ ಅವಧಿಯನ್ನು 10 ದಿನಗಳಿಗಿಂತ ಕಡಿಮೆ ಮಾಡಿಲ್ಲ ಎಂದು ದಕ್ಷಿಣ ಆಫ್ರಿಕಾದ ಜೋ ಫಹಲ್ ತಿಳಿಸಿದ್ದಾರೆ.ಸೋಂಕಿತರ ಚಿಕಿತ್ಸೆಗೆ ತೊಂದರೆಯಾಗದಂತೆ ಎಚ್ಚರಿಕೆ ವಹಿಸಲು ಸೋಂಕಿತ ಆರೋಗ್ಯ ಕಾರ್ಯಕರ್ತರ ಪ್ರತ್ಯೇಕ ವಾಸದ ಅವಧಿಯನ್ನು 10 ದಿನಗಳಿಂತ ಕಡಿಮೆ ಮಾಡಬೇಕು ಎಂಬ ಬೇಡಿಕೆ ಕೇಳಿ ಬಂದಿತ್ತು
ದೇಶದಲ್ಲಿ ಓಮಿಕ್ರಾನ್ ಹರಡುವಿಗೆ ಹೆಚ್ಚಾಗಿದ್ದು, ಆಸ್ಪತ್ರೆಗಳ ಹಾಗೂ ವೈದ್ಯಕೀಯ ಸಿಬ್ಬಂದಿಯ ಕೊರತೆ ಎದುರಾಗಿದೆ.ಈ ವಿಚಾರವಾಗಿ ನಾವು ಕಾಳಜಿ ಹೊಂದಿದ್ದೇವೆ. ನಾಲ್ಕನೆ ಅಲೆಯ ಆರಂಭದಲ್ಲಿ ಹೆಚ್ಚಾದ ಸೋಂಕಿನ ಸಂಖ್ಯೆ ಸದ್ಯಕ್ಕೆ ಅನುಕೂಲಕರ ವಾತಾವರಣಕ್ಕೆ ತಲುಪಿದೆ. ಹೆಚ್ಚಿನ ಆತಂಕ ಪಡುವ ಅಗತ್ಯ ಇಲ್ಲ ಎಂದು ಅವರು ಹೇಳಿದ್ದಾರೆ.
ಬಹುತೇಕ ಆರೋಗ್ಯ ಕಾರ್ಯಕರ್ತರು ಲಸಿಕೆ ಪಡೆದಿದ್ದಾರೆ, ಆದರೂ ಅವರಲ್ಲಿ ರೋಗ ಲಕ್ಷಣಗಳು ಇರುತ್ತವೆ. ಚಿಕಿತ್ಸೆ ಬಳಿಕ 10 ದಿನಗಳ ಪ್ರತ್ಯೇಕ ವಾಸದ ಅವಧಿಯನ್ನು ಕಡಿಮೆ ಮಾಡುವ ಅಗತ್ಯ ಇಲ್ಲ ಎಂದು ಸಚಿವರು ತಿಳಿಸಿದ್ದಾರೆ.
