ದೆಹಲಿ: ಅಪರಿಚಿತ ವ್ಯಕ್ತಿಗಳು ನಡೆಸಿದ ಪ್ರತ್ಯೇಕ ಗುಂಡಿನ ದಾಳಿಯಲ್ಲಿ ಅಫ್ಘಾನಿಸ್ತಾನದ ಉತ್ತರ ಪ್ರಾಂತ್ಯಗಳಾದ ಕುಂದುಜ್ ಮತ್ತು ತಖರ್‌ ಪ್ರದೇಶದಲ್ಲಿ ನಾಲ್ವರು ಮಹಿಳೆಯರು ಸೇರಿದಂತೆ ಕನಿಷ್ಠ ಎಂಟು ಆರೋಗ್ಯ ಕಾರ್ಯಕರ್ತರು ಸಾವನ್ನಪ್ಪಿದ್ದಾರೆ.
ಗುರುವಾರ ಉತ್ತರ ಅಫ್ಘಾನಿಸ್ತಾನದ ನಾಲ್ಕು ಸ್ಥಳಗಳಲ್ಲಿ 8 ಆರೋಗ್ಯ ಸಿಬ್ಬಂದಿಗಳು ಪೋಲಿಯೊ ಲಸಿಕೆಯನ್ನು ಹಾಕುತ್ತಿದ್ದರು. ಈ ವೇಳೆ ನಡೆದ ಅಪರಿಚಿತ ವ್ಯಕ್ತಿಗಳು ಗುಂಡಿನ ದಾಳಿ ನಡೆಸಿದ್ದಾರೆ.
ನಿನ್ನೆ ಮಧ್ಯಾಹ್ನ 12.00 ಗಂಟೆಗೆ, ಕುಂದುಜ್‌ನ ಹಲವಾರು ಭಾಗಗಳಲ್ಲಿ, ಪೋಲಿಯೊ ಅಭಿಯಾನದಲ್ಲಿ 8 ಆರೋಗ್ಯ ಕಾರ್ಯಕರ್ತರು ಸಾವನ್ನಪ್ಪಿದ್ದಾರೆ ಎಂದು ಕುಂದುಜ್ ಭದ್ರತಾ ವಿಭಾಗದ ವಕ್ತಾರ ಕಾರಿ ಒಬೈದುಲ್ಲಾ ಅಬಿದಿ ಹೇಳಿದ್ದಾರೆ. ಕುಂದುಜ್‌ನ ಭದ್ರತಾ ವಿಭಾಗದ ಪ್ರಕಾರ, ಇಬ್ಬರು ದಾಳಿಕೋರರನ್ನು ಬಂಧಿಸಲಾಗಿದೆ.
