News Kannada
Tuesday, February 07 2023

ವಿದೇಶ

ಪಾಕ್ ನ ಭದ್ರತೆಯ ಬಗ್ಗೆ ವಿಶ್ವಾಸವಿಲ್ಲ : ಚೀನಾ ಸಂಸದ

Photo Credit :

ಇಸ್ಲಾಮಾಬಾದ್‌: ಕಳೆದ ತಿಂಗಳು ಕರಾಚಿ ವಿಶ್ವವಿದ್ಯಾಲಯದ ಮೇಲೆ ನಡೆದ ದಾಳಿಯ ನಂತರ ತನ್ನ ನಾಗರಿಕರನ್ನು ಸಂರಕ್ಷಿಸುವ ಪಾಕಿಸ್ತಾನದ ಭದ್ರತಾ ವ್ಯವಸ್ಥೆಯ ಸಾಮರ್ಥ್ಯದ ಬಗ್ಗೆ ಚೀನಾ ವಿಶ್ವಾಸ ಕಳೆದುಕೊಂಡಿದೆ ಎಂದು ಹಿರಿಯ ಸಂಸದ ಮುಶಾಹಿದ್‌ ಹುಸೇನ್‌ ಹೇಳಿದರು.

ಈಚೆಗೆ ಕರಾಚಿಯ ವಿಶ್ವವಿದ್ಯಾನಿಲಯದಲ್ಲಿ ಮಹಿಳಾ ಆತ್ಮಾಹುತಿ ದಾಳಿಕೋರರೊಬ್ಬರು ವಾಹನವನ್ನು ಸ್ಫೋಟಿಸಿದಾಗ ಚೀನಾದ ಮೂವರು ಶಿಕ್ಷಕರು ಸಾವನ್ನಪ್ಪಿದ್ದರು. ಇದು ಪಾಕಿಸ್ತಾನದಲ್ಲಿನ ಚೀನಾ ನಾಗರಿಕರನ್ನು ಗುರಿಯಾಗಿಸಿ ನಡೆದ ಇತ್ತೀಚಿನ ದಾಳಿಯಾಗಿದೆ.

ಕರಾಚಿ ವಿಶ್ವವಿದ್ಯಾಲಯದ ಮೇಲಿನ ದಾಳಿಯು ವರ್ಷದಲ್ಲಿ ಪಾಕಿಸ್ತಾನದಲ್ಲಿ ಚೀನಾ ನಾಗರಿಕರನ್ನು ಗುರಿಯಾಗಿಸಿ ನಡೆಸಿದ ಮೂರನೇ ದಾಳಿಯಾಗಿದೆ.

ದಾಳಿಯ ನಂತರ ಚೀನಾ ಹೊಂದಿರುವ ಮನೋಭಾವದ ಬಗ್ಗೆ ಸಂಸತ್ತಿನ ರಕ್ಷಣಾ ಸಮಿತಿಯ ಅಧ್ಯಕ್ಷರೂ ಆಗಿರುವ ಮುಶಾಹಿದ್‌ ಶುಕ್ರವಾರ ಡಾನ್‌ ಪತ್ರಿಕೆಗೆ ಪ್ರತಿಕ್ರಿಯಿಸಿದರು.

‘ಇದು ಚೀನಾದಲ್ಲಿ ಗಂಭೀರವಾದ ಕಳವಳಕ್ಕೆ ಕಾರಣವಾಗಿದ್ದು ಒಂದು ರೀತಿಯ ಆಕ್ರೋಶವನ್ನುಂಟು ಮಾಡಿದೆ’ ಎಂದು ಹೇಳಿದರು.

‘ದಾಳಿಗಳು ಒಂದೇ ಮಾದರಿಯಲ್ಲಿ ನಡೆದಿವೆ. ಇದನ್ನು ತಡೆಯಲು ಪಾಕಿಸ್ತಾನ ವಿಫಲವಾಗಿದೆ. ಅದರ ಭದ್ರತೆಯ ಭರವಸೆ ಕೇವಲ ಪದಗಳಿಗೆ ಸೀಮಿತವಾಗಿವೆ ಎಂಬುದು ಸ್ಪಷ್ಟವಾಗಿದೆ. ಭದ್ರತಾ ವ್ಯವಸ್ಥೆಗಳು ನಿದ್ರೆಗೆ ಜಾರಿದಂತಿವೆ’ ಎಂದು ಟೀಕಿಸಿದರು.

‘ಇಂತಹ ದಾಳಿಗಳು ಮುಂದುವರಿದರೆ ಚೀನಾ ಮಾತ್ರವಲ್ಲ ಇತರ ದೇಶಗಳ ಹೂಡಿಕೆದಾರರೂ ಪಾಕಿಸ್ತಾನದಲ್ಲಿ ಯೋಜನೆ ಆರಂಭಿಸಲು ಹಿಂಜರಿಯುತ್ತಾರೆ’ ಎಂದು ಹೇಳಿದರು.

See also  ಏಷ್ಯ-ಯುರೋಪ್’ಗಳ ಕೆಲರಾಷ್ಟ್ರಗಳಲ್ಲಿ ಮತ್ತೆ ಶುರುವಾಗಿದೆ ಕೋವಿಡ್ ಅಲೆ
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published. Required fields are marked *

1616

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು