ಟೊರೊಂಟೊ: ಮಿಸಿಸಿಸೌಗಾದ ಗ್ಯಾಸ್ ಸ್ಟೇಷನ್ ಹೊರಗೆ 21 ವರ್ಷದ ಕೆನಡಾ-ಸಿಖ್ ಮಹಿಳೆಯನ್ನು ಗುಂಡಿಕ್ಕಿ ಹತ್ಯೆಗೈದಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಬ್ರಾಂಪ್ಟನ್ ನಿವಾಸಿ ಪವನ್ಪ್ರೀತ್ ಕೌರ್ ಡಿಸೆಂಬರ್ 3 ರಂದು ರಾತ್ರಿ 10.40 ರ ಸುಮಾರಿಗೆ ಕ್ರೆಡಿಟ್ವ್ಯೂ-ಬ್ರಿಟಾನಿಯಾ ರಸ್ತೆ ಪ್ರದೇಶದ ಪೆಟ್ರೋ ಕೆನಡಾ ಗ್ಯಾಸ್ ಸ್ಟೇಷನ್ನಲ್ಲಿ ಸಾವನ್ನಪ್ಪಿದ್ದಾರೆ.
“ಪೊಲೀಸರು ಆಗಮಿಸಿದಾಗ ಗುಂಡೇಟಿನಿಂದ ಗಾಯಗೊಂಡಿರುವ ಸಂತ್ರಸ್ತೆಯನ್ನು ಪತ್ತೆ ಹಚ್ಚಿದರು. ಜೀವ ಉಳಿಸುವ ಕ್ರಮಗಳನ್ನು ಪ್ರಯತ್ನಿಸಲಾಯಿತು, ಆದರೆ ಸಂತ್ರಸ್ತೆ ಗಾಯಗಳಿಂದ ಸಾವನ್ನಪ್ಪಿದ್ದಾಳೆ ಎಂದು ಪೀಲ್ ಪ್ರಾದೇಶಿಕ ಪೊಲೀಸ್ ಹೇಳಿಕೆ ತಿಳಿಸಿದೆ. ಎಲ್ಲಾ ಕಪ್ಪು ಬಟ್ಟೆಗಳನ್ನು ಧರಿಸಿದ್ದ ಶಂಕಿತನನ್ನು ಪೊಲೀಸರು ಹುಡುಕುತ್ತಿದ್ದಾರೆ.
ಇದನ್ನು ಉದ್ದೇಶಿತ ಘಟನೆ ಎಂದು ಕರೆದಿರುವ ಪೊಲೀಸರು ನರಹತ್ಯೆಯ ತನಿಖೆಯನ್ನು ಪ್ರಾರಂಭಿಸಿದ್ದಾರೆ. ಅಪರಾಧ ಸ್ಥಳದಿಂದ ಇಲ್ಲಿಯವರೆಗೆ ಯಾವುದೇ ಆಯುಧವನ್ನು ವಶಪಡಿಸಿಕೊಳ್ಳಲಾಗಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.
