ಬೆಂಗಳೂರು: ಬಿಗ್ ಬಾಸ್ ರಿಯಾಲಿಟಿ ಶೋನ 3ನೇ ಸೀಸನ್ ನಲ್ಲಿ ನಟಿ ಶ್ರುತಿ ಗೆದ್ದಿದ್ದು, ರನ್ನರ್ ಅಪ್ ಆಗಿ ನಟ ಚಂದನ್ ರನ್ನರ್ ಅಪ್ ಹೊರಮೊಮ್ಮಿದ್ದಾರೆ.
ಭಾನುವಾರ ನಸುಕಿನ ವೇಳೆ ಗ್ರ್ಯಾಂಡ್ ಫಿನಾಲೆ ಸಮಾರಂಭದಲ್ಲಿ ಫಲಿತಾಂಶ ಹೊರಬಿದ್ದಿದೆ. ಶ್ರುತಿ ಗೆಲುವಿನ ಬೆನ್ನಲ್ಲೇ ವಾಟ್ಸಪ್ ಸೇರಿದಂತೆ ವಿವಿಧ ಸಾಮಾಜಿಕ ಜಾಲತಾಣಗಳಲ್ಲಿ ಸುದ್ದಿ ಹರಿದಾಡುತ್ತಿದ್ದವು. ಜೊತೆಗೆ ಕಳೆದ ಬಿಗ್ ಬಾಸ್ ಸೀಸನ್ ನಲ್ಲಿ ಹುಟ್ಟಿಕೊಂಡ ವಾದದಂತೆಯೇ ಛೇ ಅವರು ಗೆಲ್ಲಬೇಕಿತ್ತು…ಇವರು ಗೆಲ್ಲಬೇಕಿತ್ತು ಎಂಬ ಅಸಮಾಧಾನದ ಹೊಗೆ ಈ ಬಾರಿಯೂ ಮುಂದುವರಿದಿದೆ.
ಶೋನ ವಿನ್ನರ್ ತಾನೆ ಎಂದು ಗೊತ್ತಾದಾಗ ನಟಿ ಶ್ರುತಿ ಭಾವುಕರಾಗಿ ಪ್ರೇಕ್ಷಕರತ್ತ ತಲೆಬಾಗಿದರು. ರೆಹಮಾನ್ ಅಥವಾ ಮಾಸ್ಟರ್ ಆನಂದ್ ಗೆಲ್ಲುತ್ತಾರೆಂದೇ ಹೇಳಲಾಗುತ್ತಿತ್ತು. ಆದರೆ ಫಲಿತಾಂಶದಲ್ಲಿ ಶ್ರುತಿ ಅವರ ಸಂಯಮಕ್ಕೆ ಗೌರವ ಸಿಕ್ಕಿತು. ಬಿಗ್ ಬಾಸ್ ಪಟ್ಟವನ್ನು ಅಲಂಕರಿಸಿದ ಶ್ರುತಿ ಅವರಿಗೆ ವಾಹಿನಿ ಕಡೆಯಿಂದ 50 ಲಕ್ಷ ರುಪಾಯಿಯನ್ನು ಬಹುಮಾನವಾಗಿ ನೀಡಲಾಯಿತು. ಈ ಸಂದರ್ಭದಲ್ಲಿ ಶ್ರುತಿ ಕುಟುಂಬದ ಸದಸ್ಯರು ಕೂಡ ಉಪಸ್ಥಿತರಿದ್ದರು.
