News Kannada
Saturday, February 04 2023

ಕರ್ನಾಟಕ

ಅಧಿಕಭಾರ ಸರಕು ಸಾಗಾಟ: ಲಾರಿ ವಶ

Photo Credit :

ಅಧಿಕಭಾರ ಸರಕು ಸಾಗಾಟ: ಲಾರಿ ವಶ

ಚಾಮರಾಜನಗರ: ಅಧಿಕ ಭಾರಹೊತ್ತು ಲಾರಿಗಳು ರಸ್ತೆಯಲ್ಲಿ ಓಡಾಡುತ್ತಿರುವುದರಿಂದ ರಸ್ತೆ ಹಾಳಾಗುತ್ತಿದೆ ಎಂದು ಗುಂಡ್ಲುಪೇಟೆ ತಾಲೂಕಿನ ಕಗ್ಗಳಹುಂಡಿ ವ್ಯಾಪ್ತಿಯ ಗ್ರಾಮಸ್ಥರು ಆರೋಪಿಸಿದ್ದು, ಅಧಿಕ ಭಾರ ಹೊತ್ತು ತೆರಳುವ ಲಾರಿಗಳನ್ನು ತಡೆದು ಪೊಲೀಸರಿಗೆ ಒಪ್ಪಿಸುತ್ತಿರುವ ಘಟನೆ ನಡೆಯುತ್ತಿದೆ.

ಕಗ್ಗಳದಹುಂಡಿ ಸಮೀಪ ಚೀನಾ ಮೂಲದ ಚೆಂಡುಮಲ್ಲಿಗೆ ಸಂಸ್ಕರಣಾ ಘಟಕ ಆರಂಭವಾಗುತ್ತಿದೆ. ಈ ಘಟಕವನ್ನು ನಿರ್ಮಾಣ ಮಾಡದಂತೆ ರೈತರು ಹಗಲಿರುಳು ಪ್ರತಿಭಟನೆ ಮಾಡಿದ್ದರಾದರೂ ಯಾವುದೇ ಪ್ರಯೋಜನವಾಗಿಲ್ಲ. ಈ ಘಟಕದಿಂದ ಸುತ್ತಮುತ್ತಲಿನ ರೈತರಿಗೆ ತೊಂದರೆಯಾಗುತ್ತದೆ ಎಂಬುದು ಕೆಲವು ರೈತರ ಆರೋಪವಾಗಿದೆ. ಈ ನಡುವೆ ಕಾರ್ಖಾನೆ ನಿರ್ಮಾಣಕ್ಕಾಗಿ ದಿನನಿತ್ಯ ಇಲ್ಲಿಗೆ ಲಾರಿಗಳಲ್ಲಿ ಸರಕು ಸಾಗಾಣೆಯಾಗುತ್ತಿದ್ದು, ಲಾರಿಗಳಲ್ಲಿ ನಿಯಮ ಮೀರಿ ಅಧಿಕ ಭಾರದ  ಸರಕನ್ನು  ಸಾಗಾಣೆ ಮಾಡಲಾಗುತ್ತಿದೆ ಎಂದು ಆರೋಪಿಸಿ ರೈತರು ಲಾರಿಗಳನ್ನು ತಡೆದು ಪೊಲೀಸರ ವಶಕ್ಕೆ ನೀಡುತ್ತಿದ್ದಾರೆ.

ಕಗ್ಗಳದ ಹುಂಡಿ ಸಮೀಪದಲ್ಲಿ ಚೀನಾ ಮೂಲದ ಚೆಂಡುಮಲ್ಲಿಗೆ ಸಂಸ್ಕರಣಾ ಘಟಕ ಸ್ಥಾಪನೆ ಕಾಮಗಾರಿಗೆ ಈ ರಸ್ತೆಯಲ್ಲಿ ಸಂಚರಿಸುವ ಸರಕು ಸಾಗಾಣೆ ಮಾಡುವ ವಾಹನಗಳು 10 ಟನ್ ಗೆ ಮೀರದಂತೆ ಪಂಚಾಯತ್ ರಾಜ್ ಉಪ ವಿಭಾಗವು ಅನುಮತಿ ನೀಡಿದ್ದರೂ, ಪ್ರತಿ ದಿನವೂ ನಿಯಮಮೀರಿ ಹೆಚ್ಚಿನ ಭಾರವನ್ನು ಹೊತ್ತ ಲಾರಿಗಳು ಸಂಚಾರ ನಡೆಸುತ್ತಿವೆ ಎಂಬುದು ರೈತರ ಆರೋಪವಾಗಿದ್ದು, ಇದನ್ನು ವಿರೋಧಿಸಿ ರೈತರು ಲಾರಿಯನ್ನು ತಡೆದು ಪ್ರತಿಭಟನೆ ನಡೆಸುತ್ತಿದ್ದಾರೆ.

ಇದುವರೆಗೆ ಅಧಿಕ ಭಾರ ಸಾಗಿಸುತ್ತಿದ್ದ ಮೂರು ಲಾರಿಗಳನ್ನು ವಶಕ್ಕೆ ಪಡೆದಿರುವ ತೆರಕಣಾಂಬಿ ಠಾಣೆ ಪೊಲೀಸರು. ಅಧಿಕ ಭಾರ ಸಾಗಿಸುತ್ತಿರುವುದು ಖಚಿತವಾಗಿರುವ ಹಿನ್ನಲೆಯಲ್ಲಿ ಕಾನೂನು ಕ್ರಮ ಕೈಗೊಂಡಿದ್ದಾರೆ.  ರೈತರು ಪ್ರತಿಭಟನೆ ನಡೆಸುತ್ತಿರುವ ವಿಚಾರ ಗೊತ್ತಿದ್ದರೂ ಅಧಿಕ ಭಾರದ ಸರಕು ಸಾಗಿಸುವುದನ್ನು ಮಾತ್ರ ಕಾರ್ಖಾನೆಯವರು ನಿಲ್ಲಿಸದಿರುವುದು ಅಚ್ಚರಿ ತಂದಿದೆ.

 

See also  ಹಬ್ಬಕ್ಕೆ ಮಕ್ಕಳಿಗೆ ಬಟ್ಟೆ ಕೊಡಿಸಲಾಗಲಿಲ್ಲ ಎಂದು ನೊಂದು ಆತ್ಮಹತ್ಯೆಗೆ ಶರಣಾದ ಬಿಎಂಟಿಸಿ ಕಂಡಕ್ಟರ್
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published. Required fields are marked *

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು