News Kannada
Tuesday, February 07 2023

ಕರಾವಳಿ

ಬಂಡೀಪುರ ಕಾಡ್ಗಿಚ್ಚಿಗೆ ಸಿಬ್ಬಂದಿ ಬಲಿ: ಅರಣ್ಯ ನಾಶ

Photo Credit :

ಬಂಡೀಪುರ ಕಾಡ್ಗಿಚ್ಚಿಗೆ ಸಿಬ್ಬಂದಿ ಬಲಿ: ಅರಣ್ಯ ನಾಶ

ಚಾಮರಾಜನಗರ: ಎಷ್ಟೇ ಎಚ್ಚರಿಕೆ ವಹಿಸಿದ್ದರೂ ಕಿಡಿಗೇಡಿಗಳು ಮಾತ್ರ ತಮ್ಮ ಕೃತ್ಯವನ್ನು ನಿಲ್ಲಿಸುವ ಲಕ್ಷಣ ಕಂಡು ಬರುತ್ತಿಲ್ಲ. ಬೇಸಿಗೆಯಲ್ಲಿ ಅರಣ್ಯದಲ್ಲಿ ಕುರುಚಲು ಗಿಡಗಳು ಒಣಗುವುದರಿಂದ ಚಿಕ್ಕ ಬೆಂಕಿ ಕಿಡಿ ಬಿದ್ದರೂ ಸಾಕು ಧಗ್ಗನೆ ಹೊತ್ತಿ ಉರಿಯುತ್ತದೆ. ಹೀಗಿರುವಾಗ ಬೇಕಂತೆಲೇ ಕಿಡಿಗೇಡಿಗಳು ಬೆಂಕಿ ಹಚ್ಚಿದರೆ ಪರಿಸ್ಥಿತಿ ಏನಾಗಬೇಡ? ಇವತ್ತು ಬಂಡೀಪುರ ಹುಲಿ ಯೋಜನೆಯ ಕಲ್ಕೆರೆ ವಲಯದಲ್ಲಿ ಆಗಿದ್ದೂ ಅದೇ ಕೃತ್ಯ. ಕಿಡಿಗೇಡಿಗಳು ಹಚ್ಚಿದ ಬೆಂಕಿಗೆ ಅರಣ್ಯ ಸಿಬ್ಬಂದಿ ಸಜೀವ ದಹನಗೊಳ್ಳುವುದರೊಂದಿಗೆ, ಪ್ರಾಣಿ, ಪಕ್ಷಿ, ಜಂತುಗಳು, ಗಿಡಮರಗಳು ನಾಶವಾಗಿವೆ.

ಅಂದಾಜು ಪ್ರಕಾರ ಸುಮಾರು 350 ಎಕರೆಗೂ ಹೆಚ್ಚಿನ ಅರಣ್ಯ ಭಸ್ಮವಾಗಿದೆ. ಬೆಂಕಿ ನಂದಿಸಲು ಹೋದ ಸಿಬ್ಬಂದಿ ಮುರುಗಪ್ಪ(30) ಸಾವನ್ನಪ್ಪಿದ್ದು, ಇನ್ನು ಮೂವರು ಗಾಯಗೊಂಡು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಮೃತಪಟ್ಟ ಮುರುಗಪ್ಪ ಮೂಲತಃ ಬಿಜಾಪುರ ಜಿಲ್ಲೆಯವರಾಗಿದ್ದಾರೆ. ಗಾಯಗೊಂಡವ ಪೈಕಿ ಅರಣ್ಯಾಧಿಕಾರಿ ಗಂಗಾಧರ್ ಎಂಬುವರು ಸೇರಿದ್ದಾರೆ. ಬಂಡೀಪುರ ರಾಷ್ಟ್ರೀಯ ಉದ್ಯಾನವನ ವ್ಯಾಪ್ತಿಯ ಕಲ್ಕೆರೆ ವಲಯಕ್ಕೆ ಸೇರಿದ ಐನೂರು ಮಾರಿಗುಡಿ ಸಮೀಪ ಸೇರಿ 5 ಕಡೆಗಳಲ್ಲಿ ಕಿಡಿಗೇಡಿಗಳು ಅರಣ್ಯಕ್ಕೆ ಬೆಂಕಿಯಿಟ್ಟಿದ್ದಾರೆ ಎನ್ನಲಾಗಿದೆ.

See also  LIVE: ಮಂಗಳೂರು ಮಹಾನಗರ ಪಾಲಿಕೆಯಲ್ಲಿ ಅರಳಿದ ಕಮಲ
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published. Required fields are marked *

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು