News Kannada
Friday, December 02 2022

ಕರಾವಳಿ

ಹೆಲ್ಮೆಟ್ ಬಗ್ಗೆ ಕಾನೂನು ಅರಿವು ಕಾರ್ಯಕ್ರಮ

Photo Credit :

ಹೆಲ್ಮೆಟ್ ಬಗ್ಗೆ ಕಾನೂನು ಅರಿವು ಕಾರ್ಯಕ್ರಮ

ಬೆಳ್ತಂಗಡಿ: ತಾಲೂಕು ಕಾನೂನು ಸೇವೆಗಳ ಸಮಿತಿ, ವಕೀಲರ ಸಂಘ ಬೆಳ್ತಂಗಡಿ, ಆರ್ ಟಿಓ ಬೆಳ್ತಂಗಡಿ ಮತ್ತು ಪೋಲಿಸ್ ಇಲಾಖೆ ಬೆಳ್ತಂಗಡಿ ಇದರ ಸಂಯುಕ್ತ ಆಶ್ರಯದಲ್ಲಿ ಉತ್ತಮ ಗುಣ ಮಟ್ಟದ ಹೆಲ್ಮೆಟ್ ಧರಿಸುವ ಕುರಿತು ಕಾನೂನು ಅರಿವು ಕಾರ್ಯಕ್ರಮ ಗುರುವಾರ ಬೆಳ್ತಂಗಡಿ ಎಪಿಎಂಸಿ ಸಭಾಂಗಣದಲ್ಲಿ ನಡೆಯಿತು.

ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ಬೆಳ್ತಂಗಡಿ ನ್ಯಾಯಾಲಯದ ಪ್ರಧಾನ ಹಿರಿಯ ಸಿವಿಲ್ ಜಡ್ಜ್ ಮತ್ತು ಜೆಎಂಎಫ್ ಸಿ ಬಿ.ಕೆ. ಕೋಮಲ ಅವರು, ವಾಹನ ಚಲಾಯಿಸುವಾಗ ಸಂಚಾರಿ ನಿಮಯ ಪಾಲಿಸುವುದು ಮುಖ್ಯ. ದಂಡ ಕಟ್ಟಿ ಹೋಗುವುದು ಮುಖ್ಯವಲ್ಲ. ಡ್ರೈವಿಂಗ್ ಲೈಸೆನ್ಸ್ ತೆಗೆದುಕೊಳ್ಳುವುದಕ್ಕಿಂತಲೂ ನಮಗೆ ಜವಾಬ್ದಾರಿ ಎಂಬುದನ್ನು ಅರಿತುಕೊಂಡು ಚಾಲನೆ ಮಾಡಬೇಕು. ವಾಹನ ಚಲಾಯಿಸುವಾಗ ಕಾನೂನು ಅರಿತು ಪಾದಚಾರಿ, ವಾಹನದಲ್ಲಿರುವವರ ಬಗ್ಗೆ ಎಚ್ಚರಿಕೆ ವಹಿಸಿ, ಅವರ ಜೀವ ನಮ್ಮ ಕೈಯಲ್ಲಿದೆ ಎಂಬುದುನ್ನು ಮನಗೊಂಡಿರಬೇಕು. ಹೆಲ್ಮೆಟ್ ಧರಿಸುವುದು ಫ್ಯಾಶನ್ ಗಾಗಿ ಅಲ್ಲ. ಇದನ್ನು ಗಮನದಲ್ಲಿರಿಸಿ, ಗುಣಮಟ್ಟದ ಹೆಲ್ಮೆಟ್ ಧರಿಸಿ ಸಂಚಾರ ನಿಯಮ ಪಾಲಿಸಬೇಕು ಎಂದರು.

ಹೆಚ್ಚುವರಿ ಸಿವಿಲ್ ಜಡ್ಜ್ ಮತ್ತು ಜೆಎಂಎಫ್ ಸಿ ಕೆ. ಎಂ. ಆನಂದ, ನಮಗಾಗಿ, ನಮ್ಮ ರಕ್ಷಣೆ ಹಾಗೂ ಹಿತಕ್ಕಾಗಿ ಅಳವಡಿಸಿದ ಕಾನೂನನ್ನು ಪಾಲಿಸುವುದು ನಮ್ಮೆಲ್ಲರ ಕರ್ತವ್ಯ. ಹೆಲ್ಮೆಟ್ ಧರಿಸದೇ ಕಾನೂನು ಉಲ್ಲಂಘಿಸಿದರೇ ಸ್ಥಳದಲ್ಲಿ ದಂಡ ಹಾಕಲಾಗುತ್ತಿತ್ತು. ಇನ್ನು ಮುಂದೆ ನ್ಯಾಯಾಲಯದಲ್ಲಿ ದಂಡ ಕಟ್ಟಬೇಕಾದ ಕಾನೂನು ಬರಲಿದೆ. ದಂಡದ ದರವೂ ಜಾಸ್ತಿ ಆಗಲಿದೆ. ಕಾನೂನನ್ನು ಅರಿತುಕೊಂಡು ವಾಹನ ಸಂಚಾರ ಮಾಡಿದರೆ ಅಪಘಾತಗಳು ಕಡಿಮೆಯಾಗಬಹುದು. ನಮ್ಮ ರಕ್ಷಣೆಗೋಸ್ಕರ ಸಂಚಾರ ನಿಯಮ ಪಾಲನೆ ಮಾಡಬೇಕು ಎಂದು ತಿಳಿಸಿದರು.

ಬೆಳ್ತಂಗಡಿ ಪೊಲೀಸ್ ವೃತ್ತ ನಿರೀಕ್ಷಕ ನಾಗೇಶ್ ಕದ್ರಿ ಮಾತನಾಡಿ, ಸರಕಾರ ನಮ್ಮ ರಕ್ಷಣೆಗೋಸ್ಕರ ಕಾನೂನು ಪ್ರಕಾರ ನಿಯಮವನ್ನು ಮಾಡುತ್ತಾರೆ. ಅದನ್ನು ಅನುಷ್ಟಾನ ಮಾಡುವುದು ನಮ್ಮ ಕರ್ತವ್ಯ. ಸಂಚಾರಿ ನಿಯಮವನ್ನು ಕಾನೂನು ಬದ್ಧವಾಗಿ ಪಾಲಿಸಿದರೆ ಯಾವುದೇ ಅಪಘಾತಕ್ಕೆ ಎಡೆ ಮಾಡಿಕೊಡಲು ಸಾಧ್ಯವಿಲ್ಲ. ಅಪಘಾತ ನಡೆದಾಗ ಮೊಬೈಲ್ ಗಳಲ್ಲಿ ಫೋಟೋ ಕ್ಲಿಲ್ಲಿಸುವ ಬದಲು ಅವರಿಗೆ ರಕ್ಷಣೆ ಕೊಡುವ ಕೆಲಸ ಮಾಡಿದರೆ ಉತ್ತಮ. ಅಲ್ಲದೆ ಎಲ್ಲಾ ಪೋಷಕರು ತಮ್ಮ ಮಕ್ಕಳಿಗೆ ವಾಹನವನ್ನು ತೆಗೆದುಕೊಡುವ ಮುಂಚೆ ಕಾನೂನು ನಿಯಮಗಳನ್ನು ಪಾಲಿಸುವಂತೆ ಮನವರಿಕೆ ಮಾಡಿಕೊಡುವುದು ಅಷ್ಟೇ ಮುಖ್ಯ ಎಂದರು.

ಅಧ್ಯಕ್ಷತೆ ವಹಿಸಿದ್ದ ವಕೀಲರ ಸಂಘದ ಅಧ್ಯಕ್ಷ ಸೇವಿಯರ್ ಪಾಲೇಲಿ, ಕಾನೂನು ನಿಯಮಗಳು ನಮ್ಮ ಹಿತಕ್ಕಾಗಿ ಇರುವುದು. ಕಾನೂನು ಉಲ್ಲಂಘಿಸಿದವರಿಗೆ ಯಾವುದೇ ರಿಯಾಯಿತಿ ಕೊಡಬಾರದು. ಅಲ್ಲದೆ ಕಾನೂನಿಗೆ ವಿರುದ್ಧವಾಗಿ ವಾಹನಗಳನ್ನು ಆಲ್ಟ್ರೇಶನ್ ಮಾಡಿ ಎಕ್ಸ್ಟ್ರಾ ಫಿಟ್ಟಿಂಗ್ ಮಾಡಿಕೊಂಡು ಕಣ್ಣು ಕುಕ್ಕಿಸುವ ಲೈಟ್ ಗಳನ್ನು ಅಳವಡಿಸುವ ವಾಹನಗಳ ಮೇಲೆ ನಿರ್ದಾಕ್ಷಿಣ್ಯವಾಗಿ ಸಂಬಂಧಪಟ್ಟ ಇಲಾಖೆಯವರು ಕ್ರಮಕೈಗೊಳ್ಳಬೇಕು. ದ್ವಿಚಕ್ರ ವಾಹನಗಳ ಅಪಘಾತದಲ್ಲಿ ಶೇ. 90ರಷ್ಟು ಸವಾರರು ತಲೆಗೆ ಬಿದ್ದ ಏಟುಗಳಿಂದ ಮರಣ ಹೊಂದಿರುವರೇ ಆಗಿದ್ದಾರೆ. ನಮ್ಮ ರಕ್ಷಣೆ ಹಾಗೂ ಕಾನೂನು ಪಾಲನೆ ನಾವು ಮಾಡಬೇಕು ಎಂದು ಹೇಳಿದರು.

See also  ಮಾನವೀಯತೆಗೆ ಜಾತಿ, ಧರ್ಮ ಅಡ್ಡಿಯಲ್ಲ ಎಂಬುದಕ್ಕೆ ನಿದರ್ಶನ ಈ ಆಯಿಷುಮ್ಮ..!

ವಕೀಲ ಶಿವಯ್ಯ ಎಸ್.ಎಲ್. ಉಪನ್ಯಾಸ ನೀಡಿದರು. ಸಹಾಯಕ ಸರ್ಕಾರಿ ಅಭಿಯೋಜಕ ಕಿರಣ್ ಕುಮಾರ್ ಜಿ.ಕೆ., ಮೋಟಾರು ವಾಹನ ನಿರೀಕ್ಷಕ ಶ್ರೀಧರ ರಾವ್ ಉಪಸ್ಥಿತರಿದ್ದರು.

ವಿನ್ಸೆಂಟ್ ಇಂದಬೆಟ್ಟು ಸ್ವಾಗತಿಸಿದರು. ಸುಧಾಮಣಿ ಆರ್ ಕಾರ್ಯಕ್ರಮ ನಿರ್ವಹಿಸಿ, ವಕೀಲ ಹರಿಪ್ರಕಾಶ್ ವಂದಿಸಿದರು.

ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published.

154
Deepak Atavale

Read More Articles

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು