News Kannada
Saturday, November 26 2022

ಕಾಸರಗೋಡು

ಕಾಸರಗೋಡು: ಮಾದಕ ವಸ್ತು ವಿರುದ್ಧ ಕಾನೂನು ಮಾತ್ರವಲ್ಲ ಜಾಗ್ರತಿ ಮುಖ್ಯ ಎಂದ ಎಂ. ಬಿ ರಾಜೇಶ್ - 1 min read

Photo Credit : By Author

ಕಾಸರಗೋಡು: ಮಾದಕ ವಸ್ತು ವಿರುದ್ಧ ಕಾನೂನು ಮಾತ್ರವಲ್ಲ ಜಾಗ್ರತಿ ಮುಖ್ಯ ಎಂದು ಕೇರಳ ಸ್ಥಳೀಯಾಡಳಿತ ಸಚಿವ ಎಂ. ಬಿ ರಾಜೇಶ್ ಅಭಿಪ್ರಾಯಪಟ್ಟರು.

ಅವರು ಮಂಗಳವಾರ ಕೇರಳ ರಾಜ್ಯ ಭಾರತ್ ಸ್ಕೌಟ್ ಮತ್ತು ಗೈಡ್ಸ್, ಸಾರ್ವಜನಿಕ ಶಿಕ್ಷಣ ಇಲಾಖೆ ಹಾಗೂ ಕೇರಳ ಅಬಕಾರಿ ಇಲಾಖೆ ವತಿಯಿಂದ ಕಾಸರಗೋಡು ನಗರಸಭಾ ಸಭಾಂಗಣದಲ್ಲಿ ಆಯೋಜಿಸಿದ್ದ ಮಾದಕ ವಿಮುಕ್ತ ನವಕೇರಳ ಸೈಕಲ್ ರ್ಯಾಲಿಯನ್ನು ಉದ್ಘಾಟಿಸಿ ಮಾತನಾಡುತ್ತಿದ್ದರು. ಪೊಲೀಸರು ಮತ್ತು ಅಬಕಾರಿ ಇಲಾಖೆ ಯಿಂದ ಮಾತ್ರ ಮಾದಕ ವಸ್ತು ವಿರುದ್ಧ ಹೋರಾಟ ಮಾತ್ರವಲ್ಲ ಜಾಗ್ರತಿ ಮುಖ್ಯವಾಗಿದೆ.

ಡ್ರಗ್ಸ್ ವಿರುದ್ಧ ಸಾಮೂಹಿಕವಾಗಿ ಸಜ್ಜುಗೊಂಡ ಪ್ರತಿರೋಧ ಬರಬೇಕು. ಇದರ ವಿರುದ್ಧ ಎಲ್ಲ ಜನರು ಜಾಗೃತರಾಗಬೇಕು. ಡ್ರಗ್ಸ್ ವಿರುದ್ಧ ದ್ವಿಮುಖ ಯುದ್ಧ ತಂತ್ರವನ್ನು ಕೇರಳ ಉತ್ತೇಜಿಸುತ್ತಿದೆ ಎಂದರು.

ಒಂದಕ್ಕಿಂತ ಹೆಚ್ಚು ಮದ್ಯ ಸೇವನೆ ಪ್ರಕರಣಗಳಲ್ಲಿ ಭಾಗಿಯಾಗಿರುವ 2309 ಜನರ ಪಟ್ಟಿಯನ್ನು ಅಬಕಾರಿ ಇಲಾಖೆ ಸಿದ್ಧಪಡಿಸಿದೆ. ಅವರನ್ನು ಮುಂಜಾಗ್ರತಾ ಕ್ರಮವಾಗಿ ವಶಕ್ಕೆ ತೆಗೆದುಕೊಳ್ಳಲಾಗುವುದು. ಸೆಪ್ಟೆಂಬರ್ 16 ರಿಂದ ಅಕ್ಟೋಬರ್ 14 ರ ನಡುವೆ 1024 ಡ್ರಗ್ ಪ್ರಕರಣಗಳು ದಾಖಲಾಗಿವೆ. 1038 ಜನರನ್ನು ಬಂಧಿಸಲಾಗಿದೆ. 14.5 ಕೋಟಿ ಮೌಲ್ಯದ ಡ್ರಗ್ಸ್ ವಶಪಡಿಸಿಕೊಳ್ಳಲಾಗಿದೆ. ಮಾದಕ ವ್ಯಸನದ ವಿರುದ್ಧ ಕೇರಳದ ಹೋರಾಟ ಇನ್ನು ಒಂದು ತಿಂಗಳಲ್ಲಿ ಮುಗಿಯುವುದಿಲ್ಲ. ಕೇರಳದ ಭವಿಷ್ಯ ಛಿದ್ರವಾಗದಿರಲು ಇದೊಂದು ಸುದೀರ್ಘ ಹೋರಾಟವಾಗಿದೆ ಎಂದು ಸಚಿವ ಎಂ.ಬಿ.ರಾಜೇಶ್ ಹೇಳಿದರು.

ಶಾಸಕ ಎನ್.ಎ.ನೆಲ್ಲಿಕುನ್ನ್ ಅಧ್ಯಕ್ಷತೆ ವಹಿಸಿದ್ದರು. ಸ್ಕೌಟ್ ಮತ್ತು ಗೈಡ್ಸ್ ನ ಮಾದಕ ದ್ರವ್ಯ ಸೇವನೆ ವಿರುದ್ಧ ಗ್ರಹ ಸಂದರ್ಶನ ಜಾಗೃತಿ ಕಾರ್ಯಕ್ರಮ ವನ್ನು ಶಾಸಕ ಸಿ.ಎಚ್. ಕುಞ೦ಬು ಉದ್ಘಾಟಿಸಿದರು.

ಜಿಲ್ಲಾ ಪಂಚಾಯತ್ ಅಧ್ಯಕ್ಷೆ ಬೇಬಿ ಬಾಲಕೃಷ್ಣನ್, ಕೇರಳ ಸ್ಕೌಟ್ ಮತ್ತು ಗೈಡ್ಸ್ ರಾಜ್ಯ ಕಾರ್ಯದರ್ಶಿ ಎನ್.ಕೆ.ಪ್ರಭಾಕರನ್, ಅಬಕಾರಿ ಇಲಾಖೆ ಉಪ ಆಯುಕ್ತ ಡಿ.ಬಾಲಚಂದ್ರನ್, ಶಿಕ್ಷಣ ಇಲಾಖೆಯ ಉಪ ನಿರ್ದೇಶಕಿ ಕೆ.ವಿ.ಪುಷ್ಪಾ, ಕಾಸರಗೋಡು ಡಿಇಒ ಎನ್.ನಂದಿಕೇಶನ್, ಕಾಸರಗೋಡು ಎಇಒ ಆಗಸ್ಟಿನ್ ಬರ್ನಾಡ್, ಕುಂಬಳೆ ಎಇಒ ಯತೀಶ್‌ಕುಮಾರ್ ರೈ, ಮಂಜೇಶ್ವರ ಎಇಒ ಡಿ. ಕೇರಳ ಸ್ಕೌಟ್ ಮತ್ತು ಗೈಡ್ಸ್ ರಾಜ್ಯ ಆಯುಕ್ತರಾದ ಸಿ.ಅಜಿತ್ ಮತ್ತು ಕೆ.ಅಶಾಲತಾ ಮಾತನಾಡಿದರು. ಅಬಕಾರಿ ಪ್ರಿವೆಂಟಿವ್ ಆಫೀಸರ್ ಎನ್.ಜಿ.ರಘುನಾಥ್ ಮಾದಕ ವ್ಯಸನದ ವಿರುದ್ಧ ಜಾಗೃತಿ ತರಗತಿ ನಡೆಸಿದರು. ಎಆರ್ ಸ್ಕೌಟ್ ರಾಜ್ಯ ಆಯುಕ್ತ ಬಾಲಚಂದ್ರನ್ ಸ್ವಾಗತಿಸಿ, ಕೇರಳ ಸ್ಕೌಟ್ ಮತ್ತು ಗೈಡ್ಸ್ ಕಾಸರಗೋಡು ಕಾರ್ಯದರ್ಶಿ ಕೆ.ಭಾರ್ಗವಿ ಕುಟ್ಟಿ ವಂದಿಸಿದರು.

See also  ಮಂಗಳೂರು: ರಾಷ್ಟ್ರೀಯ ಲೋಕ್ ಅದಾಲತ್ 30,729 ಪ್ರಕರಣಗಳು ಇತ್ಯರ್ಥ
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published.

176
Stephen K

Read More Articles

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು