ಉಡುಪಿ: ಉಡುಪಿಯ ಡಾ. ಟಿಎಂಎ ಪೈ ಆಸ್ಪತ್ರೆಯಲ್ಲಿ ಸಂಜೆ ಕ್ಲಿನಿಕ್‌ಗಳ (Evening Clinic) ಸೇವೆಗಳು ಇದೇ ಬರುವ ಜನವರಿ 16ರಿಂದ ಆರಂಭಗೊಳ್ಳಲಿದೆ. ಸಂಜೆ ಕ್ಲಿನಿಕ್‌ಗಳು ಸರಕಾರಿ ರಜೆ ಹೊರತುಪಡಿಸಿ ಪ್ರತಿದಿನ ಸಂಜೆ 5ರಿಂದ 7ರವರೆಗೆ ಕಾರ್ಯನಿರ್ವಹಿಸುತ್ತವೆ.
ಸೇವೆಯ ವಿಸ್ತೃತ ಸಮಯದಲ್ಲಿ ಸಮುದಾಯದ ಆರೋಗ್ಯ ಅಗತ್ಯಗಳಿಗಾಗಿ ವೈದ್ಯರು ಸಂಜೆ ಸಹಾ ಸಮಾಲೋಚನೆಗಾಗಿ ಲಭ್ಯವಿರುತ್ತಾರೆ ಎಂದು ಆಸ್ಪತ್ರೆಯ ವೈದ್ಯಕೀಯ ಅಧೀಕ್ಷಕ ಡಾ ಶಶಿಕಿರಣ್ ಉಮಾಕಾಂತ್ ತಿಳಿಸಿದ್ದಾರೆ.
ಸಂಜೆ ಕ್ಲಿನಿಕ್ ನಲ್ಲಿ ಎಕ್ಸ್-ರೇ, ಪ್ರಯೋಗಾಲಯ ಮತ್ತು ಔಷಧಾಲಯ ಸೇವೆಗಳು ಲಭ್ಯ ಇವೆ. ಮಣಿಪಾಲ್ ಆರೋಗ್ಯ ಕಾರ್ಡ್ ಮತ್ತು ಇತರ ರಿಯಾಯಿತಿ ಯೋಜನೆಗಳು ಸಮಾಲೋಚನೆ ಸೇವೆಗಳಿಗೆ ಅನ್ವಯಿಸುವುದಿಲ್ಲವಾದರೂ, ಅವು ಇತರ ಎಲ್ಲಾ ಸೇವೆಗಳಿಗೆ ಅನ್ವಯಿಸುತ್ತವೆ.
ಹೊಸ ಸಂಜೆ ಕ್ಲಿನಿಕ್‌ಗಳಿಂದಾಗಿ ಕೆಲಸದಲ್ಲಿರುವ ವೃತ್ತಿಪರರು, ವಿದ್ಯಾರ್ಥಿಗಳು ಮತ್ತು ಇತರರು ಆಸ್ಪತ್ರೆಗೆ ಭೇಟಿ ನೀಡಿ ಗುಣಮಟ್ಟದ ಆರೋಗ್ಯ ಸೇವೆಯನ್ನು ಪಡೆಯುವುದು ಸುಲಭವಾಗಿದೆ ಎಂದು ಡಾ.ಶಶಿಕಿರಣ್ ಉಮಾಕಾಂತ್ ಹೇಳಿದ್ದಾರೆ.
ಡಾ. ಟಿಎಂಎ ಪೈ ಆಸ್ಪತ್ರೆ, ಉಡುಪಿಯು ವೈದ್ಯಕೀಯ ಆರೈಕೆ, ಶುಶ್ರೂಷೆ ಮತ್ತು ಗುಣಮಟ್ಟದ ರೋಗನಿರ್ಣಯದಲ್ಲಿ ಪರಿಣತಿಗೆ ಹೆಸರುವಾಸಿಯಾದ ಮಲ್ಟಿ-ಸ್ಪೆಷಾಲಿಟಿ ಆಸ್ಪತ್ರೆಯಾಗಿದೆ. ನೇಮಕಾತಿಗಳಿಗಾಗಿ (For appointment) ದೂರವಾಣಿ ಸಂಖ್ಯೆ 7259032864 ಅನ್ನು ಸಂಪರ್ಕಿಸಬಹುದು ಎಂದು ತಿಳಿಸಿದ್ದಾರೆ.
