ಶಿವಮೊಗ್ಗ: ಸ್ಥಳೀಯ ಸಂಸ್ಥೆಗಳ ಮೂಲಕ ರಾಜ್ಯ ವಿಧಾನಪರಿಷತ್ 25 ಸ್ಥಾನಗಳಿಗೆ ನಡೆದ ಚುನಾವಣಾ ಫಲಿತಾಂಶ ಬಾರಿ ಕುತೂಹಲವನ್ನುಂಟು ಮಾಡಿದ್ದು ಈ ಮಧ್ಯೆ ಶಿವಮೊಗ್ಗ ಕ್ಷೇತ್ರದಲ್ಲಿ ಬಿಜೆಪಿ ಅಭ್ಯರ್ಥಿ ಡಿ.ಎಸ್ ಅರುಣ್ ಜಯಭೇರಿ ಭಾರಿಸಿದ್ದಾರೆ.
ಚಲಾವಣೆಯಾಗಿರುವ 4156 ಮತಗಳಲ್ಲಿ 109 ಮತಗಳು ತಿರಸ್ಕೃತ ಗೊಂಡಿವೆ. ಇನ್ನೂ 2200 ಕ್ಕೂ ಹೆಚ್ಚು ಮತಗಳನ್ನ ಪಡೆದಿರುವ ಡಿಎಸ್ ಅರುಣ್ ಶೇಖಡಾ 50 ರಷ್ಟಕ್ಕಿಂತಲೂ ಹೆಚ್ಚಿನ ಮತಗಳನ್ನ ಪಡೆದಿದ್ದಾರೆ.
ಈ ಹಿನ್ನೆಲೆಯಲ್ಲಿ ಅವರ ಗೆಲುವ ಪಕ್ಕಾ ಆಗಿದ್ದು ಅಧಿಕೃತ ಘೋಷಣೆ ಬಾಕಿಯಿದೆ. ಇನ್ನೂ ಕಾಂಗ್ರೆಸ್ನ ಆರ್. ಪ್ರಸನ್ನ ಕುಮಾರ್ 1820 ಮತಗಳನ್ನ ಪಡೆದಿದ್ದಾರೆ.
ಕಾಂಗ್ರೆಸ್ ಅಭ್ಯರ್ಥಿ ಹಾಲಿ ಸದಸ್ಯ ಪ್ರಸನ್ನ ಕುಮಾರ್ ಗೆ ಸೋಲುಂಟಾಗಿದ್ದು, ಡಿಎಸ್ ಅರುಣ್ 400 ಮತಗಳ ಅಂತರದಿಂದ ಗೆಲುವು ಸಾಧಿಸಿದ್ದಾರೆ.
