News Kannada
Friday, January 27 2023

ಮೈಸೂರು

ಮೈಸೂರಲ್ಲಿ ಗುಡುಗು ಸಿಡಿಲಿನೊಂದಿಗೆ ಆರ್ಭಟಿಸಿದ ಮಳೆ

Photo Credit :

ಮೈಸೂರಲ್ಲಿ ಗುಡುಗು ಸಿಡಿಲಿನೊಂದಿಗೆ ಆರ್ಭಟಿಸಿದ ಮಳೆ

ಮೈಸೂರು: ಗುರುವಾರ ರಾತ್ರಿ ಗುಡುಗು, ಸಿಡಿಲು ಸಹಿತ ಮೈಸೂರು ನಗರ ಹಾಗೂ ಜಿಲ್ಲೆಯ ಹಲವೆಡೆ ಮಳೆ ಸುರಿದಿದ್ದು, ಜನ ಬೆಚ್ಚಿ ಬೀಳುವಂತೆ ಮಾಡಿದೆ. ಸುಮಾರು ಅರ್ಧ ಗಂಟೆಗೂ ಹೆಚ್ಚು ಕಾಲ ಮಿಂಚು, ಗುಡುಗು, ಸಿಡಿಲು ಆರ್ಭಟಿಸುತ್ತಿದ್ದರೆ ಜನ ಭಯದಿಂದ ಮುದುಡಿ ಕೂರುವಂತೆ ಮಾಡಿತ್ತು.

ಇದರೊಂದಿಗೆ ರಭಸವಾಗಿ ಬೀಸಿದ ಗಾಳಿಯ ರಭಸಕ್ಕೆ ಕೆಲವರ ಮನೆಯ ಛಾವಣಿಯ ಶೀಟ್‍ಗಳು ಹಾರಿ ಹೋಗಿದ್ದರೆ, ಮರಗಳು ಅಲ್ಲಲ್ಲಿ ಬಿದ್ದು ಹಾನಿಯುಂಟಾಗಿದೆ. ಮಳೆ ಜೋರಾಗಿ ಸುರಿದಿದ್ದು, ಮಳೆ ನೀರು ಎಲ್ಲೆಡೆ ತುಂಬಿ ಹರಿದಿತ್ತು. ಉದಯ ರವಿ ರಸ್ತೆ , ಪಂಚಮಂತ್ರ ರಸ್ತೆ, ಮನಜಪಥ ರಸ್ತೆ ಮತ್ತು ಚಿನ್ಮಯಿ ಉದ್ಯಾನವನದ ಬಳಿ ಮರಗಳ ಕೊಂಬೆಗಳು ಬಿದ್ದ ರಭಸಕ್ಕೆ ವಿದ್ಯುತ್ ತಂತಿಗಳು ತುಂಡಾಗಿವೆ. ಇನ್ನು ನಗರದಾದ್ಯಂತ ಮರಗಳ ಕೊಂಬೆಗಳು ಅಲ್ಲಲ್ಲಿ ಮುರಿದಿವೆ. ಜತೆಗೆ ಗಾಳಿಯ ರಭಸಕ್ಕೆ ಮರದಲ್ಲಿದ್ದ ಎಲೆಗಳು, ಒಣಗಿದ ಕೊಂಬೆಗಳು ನೆಲಕ್ಕೆ ಬಿದ್ದು ಕಸದ ರಾಶಿ ಏರ್ಪಟ್ಟಿದೆ.

ಇನ್ನೊಂದೆಡೆ ಮಳೆಯ ನೀರಿನೊಂದಿಗೆ ಕಸಗಳು ಕೊಚ್ಚಿಕೊಂಡು ಬಂದಿದ್ದು ಅವು ರಸ್ತೆಯಲ್ಲಿ ಹರಡಿ ನಿಂತಿದ್ದು, ಪೌರಕಾರ್ಮಿಕರು ಸ್ವಚ್ಛಗೊಳಿಸುವುದರಲ್ಲಿ ನಿರತರಾಗಿದ್ದಾರೆ. ಮರದ ಕೊಂಬೆಗಳು ರಸ್ತೆಗೆ ಅಡ್ಡಲಾಗಿ ಬಿದ್ದಿದ್ದು ಅದನ್ನು ತೆರವುಗೊಳಿಸುವ ಕಾರ್ಯವೂ ನಡೆದಿದೆ. ಕೆಲವೆಡೆ ಮರದ ಕೊಂಬೆ ಮುರಿದು ಬಿದ್ದ ಕಾರಣ ಮರದಡಿಯಲ್ಲಿ ನಿಲ್ಲಿಸಿದ್ದ ವಾಹನಗಳಿಗೆ ಸಣ್ಣಪುಟ್ಟ ಹಾನಿಯಾಗಿದೆ. ಆದರೆ ಯಾವುದೇ ರೀತಿಯ ಪ್ರಾಣಹಾನಿ ಸಂಭವಿಸಿದ ಬಗ್ಗೆ ವರದಿಯಾಗಿಲ್ಲ.

 

 

See also  ಬಂಡೀಪುರ ಅರಣ್ಯದಂಚಿನಲ್ಲಿ ಗ್ರಾಮಗಳತ್ತ ನುಗ್ಗುತ್ತಿರುವ ಕಾಡಾನೆಗಳು
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published. Required fields are marked *

149
Editor's Pick

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು