News Kannada
Sunday, November 27 2022

ಒಡಿಸ್ಸಾ

8 ವರ್ಷದ ಬಾಲಕಿಯ ತಲೆ ಕಡಿದು,ರುಂಡವನ್ನು ಹಿಡಿದು ಊರೆಲ್ಲಾ ಸುತ್ತಿದ ಆರೋಪಿ! - 1 min read

Photo Credit :

ಸಂಬಾಲ್ಪುರ್:  ಒಡಿಶಾದ ಸಂಬಾಲ್ಪುರ್ ನಲ್ಲಿ ಎಂಟು ವರ್ಷದ ಬಾಲಕಿಯ ತಲೆ ಕಡಿದು, ನಂತರ ರುಂಡವನ್ನು ಹಿಡಿದು ಇಡೀ ಗ್ರಾಮದ ಸುತ್ತ ಓಡಾಡಿದ 30 ವರ್ಷದ ವ್ಯಕ್ತಿಯನ್ನು ಬಂಧಿಸಿರುವ ಘಟನೆ  ಶುಕ್ರವಾರ (ಮಾರ್ಚ್ 25) ನಡೆದಿರುವುದಾಗಿ ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.

ಜಮನಕಿರಾ ಬ್ಲಾಕ್ ನ ಗ್ರಾಮದಲ್ಲಿ ನಡೆದ ಈ ಭೀಕರ ಘಟನೆಗೆ ಸ್ಥಳೀಯರು ಬೆಚ್ಚಿಬಿದ್ದಿದ್ದರು. ಅಲ್ಲದೇ ಈ ಘಟನೆಯ ಹಿಂದಿನ ಉದ್ದೇಶ ಏನು ಎಂಬುದು ಇನ್ನಷ್ಟೇ ತಿಳಿದು ಬರಬೇಕಾಗಿದೆ ಎಂದು ವರದಿ ವಿವರಿಸಿದೆ.

8 ವರ್ಷದ ಬಾಲಕಿ ಶುಕ್ರವಾರ ಬೆಳಗ್ಗೆ ಹೊಲಕ್ಕೆ ಮಲವಿಸರ್ಜನೆಗೆ ತೆರಳಿದ್ದ ಸಂದರ್ಭದಲ್ಲಿ ಆರೋಪಿ ಕೊಡಲಿ ತೆಗೆದುಕೊಂಡು ಆಕೆಯ ಶಿರಚ್ಛೇದ ಮಾಡಿದ್ದ. ನಂತರ ಕತ್ತರಿಸಿದ ತಲೆಯನ್ನು ಕೈಯಲ್ಲಿ ಹಿಡಿದುಕೊಂಡು ಗ್ರಾಮದೊಳಗೆ ಓಡಾಡಿದ್ದ ಬಳಿಕ ಕೊಳವೆ ಬಾವಿ ಬಳಿ ತಲೆಯನ್ನು ತೊಳೆದಿದ್ದ.

ಈ ಸಂದರ್ಭದಲ್ಲಿ ಕಡಿದ ತಲೆಯನ್ನು ತೊಳೆಯುತ್ತಿದ್ದ ಪತಿಯನ್ನು ಕಂಡ ಪತ್ನಿ ಆತನನ್ನು ಪ್ರಶ್ನಿಸಿದಾಗ ವಾಗ್ವಾದಕ್ಕಿಳಿದಿದ್ದ. ಕೊಡಲಿ ತೋರಿಸಿ ಪತ್ನಿಗೂ ಬೆದರಿಕೆ ಒಡ್ಡಿದ್ದ ನಂತರ ಆತ ಅಲ್ಲೇ ನೆಲದ ಮೇಲೆ ಮಲಗಿರುವುದಾಗಿ ವರದಿ ತಿಳಿಸಿದೆ.

ವಿಷಯ ತಿಳಿದ ಪೊಲೀಸರು ತಕ್ಷಣವೇ ಘಟನಾ ಸ್ಥಳಕ್ಕೆ ಆಗಮಿಸಿ ಆರೋಪಿಯನ್ನು ಬಂಧಿಸಿದ್ದಾರೆ. ಪ್ರಾಥಮಿಕ ತನಿಖೆಯ ಪ್ರಕಾರ ಆರೋಪಿ ಮದ್ಯವ್ಯಸನಿಯಾಗಿರುವುದು ತಿಳಿದು ಬಂದಿದೆ. ಆದರೆ ಮೃತಪಟ್ಟ ಬಾಲಕಿಯ ಕುಟುಂಬದ ಜೊತೆ ಯಾವುದೇ ದ್ವೇಷ ಇರಲಿಲ್ಲವಾಗಿತ್ತು ಎಂದು ಕುಚಿಂಡಾ ಸಬ್ ಡಿವಿಷನಲ್ ಪೊಲೀಸ್ ಅಧಿಕಾರಿ ರಾಜ್ ಕಿಶೋರ್ ಮಿಶ್ರಾ ತಿಳಿಸಿದ್ದಾರೆ.

ಕೊಡಲಿಯನ್ನು ವಶಕ್ಕೆ ಪಡೆದಿದ್ದು, ಬಾಲಕಿಯ ಶವವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ. ಕೊಲೆ ಪ್ರಕರಣ ದಾಖಲಿಸಿಕೊಂಡಿದ್ದು, ತನಿಖೆ ಮುಂದುವರಿದಿದೆ ಎಂದು ಜಮಾನಕಿರಾ ಪೊಲೀಸ್ ಠಾಣೆಯ ಇನ್ಸ್ ಪೆಕ್ಟರ್ ಪ್ರೇಮ್ ಜೀತ್ ದಾಸ್ ತಿಳಿಸಿದ್ದಾರೆ.

See also  ನಕಲಿ ಜಿ ಎಸ್ ಟಿ ವಂಚಕರು ಈಗ ಪೊಲೀಸ್ ಅತಿಥಿಗಳು
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published.

12795
NewsKannada

Read More Articles

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು