News Kannada
Wednesday, October 05 2022

ವಿದೇಶ

ಆನ್‌ಲೈನ್‌ ಶಾಪಿಂಗ್‌ನಲ್ಲಿ ಭಾಗವಹಿಸಿದ ಗ್ರಾಹಕರಿಗೂ ಕೋವಿಡ್‌  ಹರಡಬಹುದು :ಚೀನಾ ಎಚ್ಚರಿಕೆ - 1 min read

Photo Credit :

ಬೀಜಿಂಗ್‌(ನ.13) : ಪ್ರಸಕ್ತ ವರ್ಷದ ಚೀನಾದ ವಾರ್ಷಿಕ ‘ಸಿಂಗಲ್ಸ್‌ ಡೇ ಫೆಸ್ಟಿವಲ್‌’  ಆನ್‌ಲೈನ್‌ ಶಾಪಿಂಗ್‌ನಲ್ಲಿ ಭಾಗವಹಿಸಿದ ಕೆಲ ಗ್ರಾಹಕರಿಗೂ ಕೋವಿಡ್‌  ಹರಡಬಹುದು ಎಂದು ಚೀನಾ ಎಚ್ಚರಿಕೆ ನೀಡಿದೆ.

ಹಿಬೇ ಪ್ರಾಂತ್ಯದ ಈಶಾನ್ಯ ಭಾಗದಲ್ಲಿ ಮಕ್ಕಳ ಉಡುಪುಗಳನ್ನು ಉತ್ಪಾದಿಸುವ ಕಂಪನಿಯ ಮೂವರು ನೌಕರರಲ್ಲಿ ಸೋಂಕು ಪತ್ತೆಯಾಗಿದೆ. ಈ ಸಿಂಗಲ್ಸ್‌ ಡೇ ಫೆಸ್ಟಿವಲ್‌ ಮುಖಾಂತರ ಈ ಕಂಪನಿ ಉತ್ಪಾದಿಸಿದ ಮಕ್ಕಳ ಉಡುಪುಗಳನ್ನು ಖರೀದಿಸಿದ ಗ್ರಾಹಕರು ಸೋಂಕಿಗೆ ತುತ್ತಾಗಿರುವ ಸಾಧ್ಯತೆಯಿದೆ. ಹೀಗಾಗಿ ಈ ವಸ್ತುಗಳನ್ನು ಖರೀದಿಸಿದ ಗ್ರಾಹಕರು ಕೋವಿಡ್‌  ಪರೀಕ್ಷೆಗೊಳಪಡಿಸಬೇಕು ಎಂದು ಸೂಚಿಸಲಾಗಿದೆ.

ಹೊರ ದೇಶಗಳಿಂದ ತರಿಸಿಕೊಳ್ಳಲಾಗುತ್ತಿರುವ ಘನೀಕರಿಸಿದ ಎಲ್ಲಾ ವಸ್ತುಗಳನ್ನು ಕೋವಿಡ್‌ ಪರೀಕ್ಷೆಗೊಳಪಡಿಸಲಾಗುತ್ತಿದೆ. ಹೊರ ದೇಶಗಳಿಂದ ಬರುವ ಯಾವುದೇ ವಸ್ತುಗಳನ್ನು ಸ್ವೀಕರಿಸುವ ಮುನ್ನ ಅವುಗಳನ್ನು ಸ್ಯಾನಿಟೈಸ್‌ ಮಾಡಬೇಕು. ಕಡಿಮೆ ಸೋಂಕು ಇರುವ ಸ್ಥಳಗಳಿಂದ ಬಂದಿರುವ ಪಾರ್ಸೆಲ್‌ ವಸ್ತುಗಳನ್ನು ಗ್ರಾಹಕರು ಮುಖಕ್ಕೆ ಮಾಸ್ಕ್‌, ಕೈಗೆ ಗ್ಲೌಸ್‌ಗಳನ್ನು ಧರಿಸಿಯೇ ಸ್ವೀಕರಿಸಬೇಕು ಎಂದು ಗ್ರಾಹಕರಿಗೆ ಅಧಿಕಾರಿಗಳು ಹೇಳಿದ್ದಾರೆ.

ಪ್ರಸಕ್ತ ವರ್ಷದ ಚೀನಾದ ವಾರ್ಷಿಕ ‘ಸಿಂಗಲ್ಸ್‌ ಡೇ ಫೆಸ್ಟಿವಲ್‌’ನಲ್ಲಿ ಬರೋಬ್ಬರಿ 10 ಲಕ್ಷ ಕೋಟಿ ರು. ಮೌಲ್ಯದ ವಸ್ತುಗಳು ಬಿಕರಿಯಾಗಿವೆ. ಈ ಮೂಲಕ ಕೊರೋನಾ ಸಾಂಕ್ರಾಮಿಕ ನಡುವೆಯೂ ಕಳೆದ ವರ್ಷಕ್ಕಿಂತ ದಾಖಲೆಯ ವ್ಯವಹಾರ ನಡೆದಿದೆ. ನ.1ರಿಂದ ನ.11ರ ವರೆಗೆ ನಡೆದ ಉತ್ಸವದಲ್ಲಿ ಆಲಿಬಾಬಾ ಕಂಪನಿಯು  6.27 ಲಕ್ಷ ಕೋಟಿ ಗಳಿಸಿದೆ.

ಜೆಡಿ.ಕಾಂ 4.05 ಲಕ್ಷ ಕೋಟಿ ವ್ಯವಹಾರ ಮಾಡಿದೆ. ಚೀನಾದ ಸಿಂಗಲ್ಸ್‌ ಡೇ ಅನ್ನು ಜಗತ್ತಿನ ಅತಿ ದೊಡ್ಡ ಆನ್‌ಲೈನ್‌ ಶಾಪಿಂಗ್‌  ಮಾರ್ಕೆಟಿಂಗ್‌ ಫೆಸ್ಟಿವಲ್‌ ಎಂದೇ ಕರೆಯಲಾಗುತ್ತದೆ. ಈ ಉತ್ಸವದಲ್ಲಿ ಅತ್ಯಾಕರ್ಷಕ ರಿಯಾಯಿತಿ ದರದಲ್ಲಿ ವಸ್ತುಗಳನ್ನು ಮಾರಾಟಕ್ಕೆ ಇಡಲಾಗುತ್ತದೆ. ಪ್ರತಿ ವರ್ಷ ನ.11ರಂದು ನಡೆಯುವ ಸಿಂಗಲ್ಸ್‌ ಡೇ ಫೆಸ್ಟ್‌ ಅನ್ನು ಜನತೆ ಅಥವಾ ಅವಿವಾಹಿತ ಚೀನೀಯರು ಹೆಚ್ಚಾಗಿ ಆಚರಿಸುತ್ತಾರೆ.

 

See also  ಬೀಜಿಂಗ್ ನಲ್ಲಿ ಉಲ್ಬಣಗೊಂಡ ಕೊವೀಡ್ ಪ್ರಕರಣ
ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.

Leave a Reply

Your email address will not be published.

44
News Kannada

The most exciting, trusted and preferred news websites of Karnataka and Kannadigas around the world.

Read More Articles
Subscribe to our Brand New YouTube Channel

Subscribe Newsletter

Get latest news karnataka updates on your email.

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು